D modg n paam ned n zãms Biiblã
1 “Bɩ y zẽk y nens n gese pʋtã, tɩ bõe, bãmb pelgame n ta tigsg masã.” (Zã 4:35) A Zezi Kirist gom-kãensã pidsda kiris-nebã koe-mooneg zug rũndã-rũndã.
2 D ket n yãta pʋ-peelem dãmb sẽn dat tɩ d zãms-b a Zeova noyã. Woto yaa vẽeneg d sẽn ne karen-bi-paals sẽn deegd lisg yʋʋmd fãa wã. D sã n sɩd rat ned ne d sũur fãa n zãms Biiblã, d segd n maana bõe?
3 Bũmb ning d sẽn na n ning d yamẽ: Pipi d bao n sɩng Biibl zãmsg ne ned la d kell n zãmsd-a soabã wakat fãa. D sã n wa moond koɛɛgã bɩ d ning d yamẽ tɩ d rata ned n zãms-a Biiblã. Dẽnd Wẽnnaam sẽn bobl-d koɛɛgã mooneg la nebã zãmsgã, d fãa segd n baoa neb n paas n zãms-b Biiblã.—Mat. 24:14; 28:19, 20.
4 Bũmb a taab d sẽn segd n ning d yamẽ: Rĩungã koe-moondb segd n pʋʋsda ne b sũy fãa. Wakat ninga, d yãta neb sẽn da pʋʋsd Wẽnnaam n kot sõngr sẽn na yɩl n wʋm Biiblã võore. Ad sɩd yaa bark meng la d paamda, a Zeova sẽn kɩtd tɩ d yãt nin-kãensã n zãmsd-bã!—Aze 2:7; Tʋʋ. 10:1, 2.
5 Saam-bi-poak a ye n pʋʋs Wẽnnaam n kos-a t’a sõng-a t’a paam ned n zãms-a Biiblã. Rẽ poore, a rʋʋga Y rat n bãnga Biiblã n paas bɩ? seb-vãoogã a tʋʋmã zĩigẽ tɩ nebã tõe n yã. La pag a ye n wa n dɩk a ye n karem, n sɩng a zĩ-gũbrã pidsg n dat n toole, tɩ saam-bi-poakã yã n tɩ sõs ne-a la a sɩng Biiblã zãmsg ne-a.
6 Koe-moondb nins sẽn mi b sẽn na n sɩng la b zãms nebã Biiblã sõma wã tõe n sõng-y lame tɩ y tõog n paam ned n zãms Biiblã. Pʋʋs-y Wẽnnaam t’a sõng-y tɩ y paam ned n zãms Biiblã la y bao sõngr buud fãa y sẽn tõe n paam n tõog n maan dẽ. Tõe tɩ ka la bilfu, y na n paama ned n zãms Biiblã, n paam sũ-noogo.