Bũmb ning d sẽn na n yeel n wilg zʋrno rãmbã
Gũusg Gasgã Wao-fugdgu, 1
“Sã n yaa ne yãmba, zak neb sã n tũud sagl-kãngã b zakã pʋgẽ vɩɩmã na n yɩɩ wãn-wãna? [Karm-y Efɛɛz rãmba 4:31, la y bas t’a leoke.] Sõs-kãngã tika Biiblã zug n kõt sagls sẽn sõngd tõnd tɩ d zems taaba, n kell n tall sũ-noog d kãadmã pʋgẽ.” Wilg-y sõsg ning sẽn be seb-neng 18 wã.
Réveillez-vous ! Wao-fugdgu
“Neb kẽer tẽedame tɩ Wẽnnaam gʋlsda nebã yel-wẽnã n bĩngdẽ. Sãnda me tagsdame tɩ baa sẽn yaa yel-wẽnd ning fãa, a basda taale. Yãmb tagsg yaa bõe? [Bas-y t’a leoke, rẽ poor bɩ y karem Tʋʋma 3:19.] Sõs-kãngã wilgda yɛl a tãab sẽn be Biiblã pʋgẽ d sẽn segd n maan n paam tɩ Wẽnnaam zoe d nimbãanega.” Wilg-y sõsg ning sẽn be seb-neng 10 zĩigẽ.
Gũusg Gasgã Tʋʋlgo, 1
“M nongẽ lame n bãng yãmb sẽn tagsd to-to verse kãngã zugu. [Karm-y Zã 3:16.] Yãmb zoe n soka y meng n gese, wãn to la nin-yɛng kũum tõe n yɩ sabab tɩ neb wʋsg paam vɩɩm sẽn-kõn-sa? [Bas-y t’a leoke.] Seb-kãngã wilgda a Zezi kũumã sẽn tõe n naf tõnd to-to vẽenega.”
Réveillez-vous ! Tʋʋlgo
“Sã n yaa ne yãmba tũudum buud fãa tata Wẽnnaam yam bɩ? [Bas-y t’a leoke.] Kelg-y Biiblã sẽn gomd neb kẽer sẽn waoogd Wẽnnaam yell to-to. [Karm-y Mark 7:7.] Bõe la ned tõe n maan n bãng tũudum sã n zãmsda nebã sɩda, la pa ninsaalb tagsgo? Ned tõe n sɩd bãnga tũudum ning sẽn yaa sɩdã bɩ? Seb-kãnga leokda sogs-kãensã.”