Bũmb ning d sẽn na n yeel n wilg zʋrno rãmbã

Gũusg Gasgã Sig-noya, 1

“Sabaab rãmbã sẽn yaa wʋsg rũndã-rũndã wã kɩtame tɩ neb kẽer sokd b mens n getẽ pa Wẽnnaam n tũnugd ne rẽ n sɩbgd nebã sɩda? Yãmb tagsg yaa bõe rẽ zugu? [Bas-y t’a leoke. Rẽ poor bɩ y karem 1 Zã 4:8.] Seb-kãngã kõta kaset sẽn wilgd tɩ pa Wẽnnaam n kɩt tɩ sabaab rãmbã watẽ ye.” Wilg-y sõsg ning sẽn be sebrã neng 30 pʋgẽ wã.

Réveillez-vous ! Sig-noya

“Karm-y Matɩe 6:10, la y sok woto: “Yãmb tagsdame tɩ Wẽnnaam naana tẽngã bõe yĩnga? [Bas-y t’a leoke.] Sã n yaa ne Biiblã, Wẽnnaam tara raab takɩ ne tẽngã hal a naanegã sasa, la a sẽn dat t’a yɩ bũmb ningã pa toeem ye. Seb-kãngã wilgda rẽ.” Wilg-y sõsg ning sẽn be sebrã neng 10 pʋgẽ wã.

Gũusg Gasgã Sigri, 1

“Biiblã pʋgẽ kibar a ye nebã sẽn mi sõma yaa a Nowe wakatẽ sa-kãsengã. Yãmb tagsdame tɩ sa-kãsengã sɩd zĩndame bɩ? [Bas-y t’a leoke.] A Zezi meng wilgame tɩ kiba-kãng sɩd yaa sɩda. [Karm-y Luk 17:26, 27.] Seb-kãngã kõta kaset sẽn wilgd tɩ kiba-kãng sɩd yaa sɩda. A leb n wilgda bũmb nins kiba-kãngã sẽn zãmsd tõndo.

Réveillez-vous ! Sigri

“Kambã wubr yaa toogo, sẽn yɩɩd fãa b bi-bɩɩlmã wakate. Yãmb tagsdame tɩ yɛ la roagdbã tõe n paam sagls sẽn yaa sõma? [Bas-y t’a leoke. Rẽ poor bɩ y karem Ezai 48:17, 18.] Seb-kãngã kõta sagls sẽn yaa sõma sẽn tõe n sõng roagdbã tɩ b wʋm yɛlã võor la b wub b kambã sõma.”