Yãmb tʋmda ne Comment raisonner sebrã bɩ?
1. Tʋm-tʋmd a Poll ne a Zezi zãmsa neba wãn-wãna?
1 Tʋm-tʋmd a Poll modgame n tik Gʋlsg Sõamyã zug n sõng nebã tɩ b tags sõma. (Tʋʋ. 17:2, 3; 18:19) A sẽn maan woto wã, a rɩka a Zezi togs-n-taare. Bala a Zezi me ra nong n lebgd n dɩkda Gʋlsg Sõamyã goam kẽere, la a rɩkd makr sẽn na yɩl n sõng a kɛlgdbã tɩ b bãng Wẽnnaam daabã. (Mat. 12:1-12) B yiisa Comment raisonner à partir des Écritures sebrã n na n sõng tõnd tɩ d rɩk a Zezi togs-n-taare.
2. Wãn to la Comment raisonner sebrã tõe n sõng tõnd tɩ d segl sɩngr goam sẽn yaa sõma?
2 D segl sɩngr goam sẽn yaa sõma: Comment raisonner à partir des Écritures sebrã neng a 9-15 wã tara sɩngr goam sẽn tõe n kɩt tɩ ned rat n bãng Biiblã sẽn yet bũmb ninsã n paase. D sã n baood n na n bãng d sẽn na n sɩng goam to-to la d toeemd d sɩngr goama, sẽn yɩɩd fãa d sã n tʋmd d moonegã zĩigẽ n yɩlemdẽ, na n sõng-d lame tɩ d paam minim n paase, la d tõe n sɩng sõsg ne nebã sõma. D sã n wa moond ne telefõn bɩ n yas ned zak noor n gomd ne-a soneri pʋgẽ, d tõe n kell n karma d sɩngr goamã Comment raisonner sebrã pʋgẽ.
3. Kiba-bʋg n be Comment rai-sonner sebrã neng 16-24 n tõe n sõng tõnd koe-moonegã pʋgẽ?
3 D sẽn na n leok nebã to-to: D tõe n tagsame n ges bũmb ning nebã sẽn tõe n yeel n wilg tɩ b pa rat n kelg koɛɛgã, la d rɩk minit a wãn n lebg n ges sebrã neng 16-21 wã zĩigẽ, n bãng d sẽn tõe n leok nin-kãensã to-to. D moonegã zĩigẽ nebã sã n yaa budist rãmba, ẽndu rãmba, zʋɩf rãmb bɩ moeemba, kibar ning sẽn be seb-neng 21-24 tõe n sõng-d lame.
4. Ned sã n wa sok tõnd bũmb bɩ n dat n tik bũmb zug n wẽ no-koeemd ne-do, wãn to la d tõe n tʋm ne Comment raisonner sebrã?
4 D tall-a n leok nebã sogsgã: Ned sã n wa sok tõnd bũmb bɩ n dat n tik bũmb zug n wẽ no-koeemd ne-do, Comment raisonner sebrã tõe n sõng-d lame. D tõe n yeel a soabã tɩ d rat n wilg-a-la bũmb sẽn kõt sũ-noog wʋsg a sokrã zug Comment raisonner sebrã pʋgẽ. Sẽn mik tɩ b sõdga gom-zutã pʋgdg-pʋgdga yĩnga, d tõe n gesa gom-zug ning d sẽn tagsd tɩ tõe n leoka a sokrã, la d lak seb-neng ning gom-zu-kãng sẽn beẽ wã n yɩ tao-tao n ges sogsg nins b sẽn gʋls ne gʋls-bi sablã. Sã n mik tɩ baa a ye pa leokd a sokrã, d tõe n gesa ẽndɛgsã sẽn be sebrã baasgẽ wã. D sã n paam kibar sẽn leokd a sokrã beene, d tõe n kell n karma rẽ sebrã pʋgẽ n wilg-a. Sã n yaa verse ning takɩ võor la a pa wʋmde, gom-zug ning sẽn be Comment raisonner sebrã neng 445 n yetẽ tɩ “ Textes bibliques souvent mal compris ” wã tõe n song-d lame.
5. Zĩ-bʋs yɛs la Comment rai-sonner sebrã tõe n sõng tõndo?
5 Zĩis a taab sebrã sẽn tõe n sõng tõndo: Neb kẽer tallda Comment raisonner sebrã n kẽnd b tʋʋmã zĩisẽ bɩ b lekollẽ, sẽn na yɩl n leok sogsg kẽere. Wala makre, ‘Bõe yĩng t’a Zeova Kaset rãmbã pa maand tig kẽere?’ Gom-zut nins sẽn yet tɩ “ Création ” la “ Évolution ” wã sõnga kom-biis tɩ b tõog n maan b devoaar dãmba. Tõnd sã na n tɩ ges ned sẽn ka laafɩ bɩ ned roagd bɩ a zoa sẽn maan kaalem, kibar nins sẽn be gom-zug ning sẽn yet tɩ “ Encouragement ” wã tõe n sõng-d lame tɩ d tik Biiblã zug n keng a soabã raoodo. Comment raisonner sebrã le tara kibay a taab sẽn tõe n sõng tõnd tɩ d segl sõs tigingã yĩnga, la d maand koe-moonegã tigissã me sõma.
6. Tõnd daabã koɛɛgã mooneg pʋgẽ la bʋgo?
6 D sã n wa moond koɛɛgã, d raabã pa wẽ no-koeem ne nebã n tõog ye. Leb n pa taas nebã koɛɛgã bal ye. D segd n karma Biiblã la d sõng-b tɩ b tags a sẽn yet bũmb ninga zug sõma. D sã n tʋmd ne Comment raisonner sebrã sõma, wilgdame tɩ d gũusda d mens ne koɛɛg ning d sẽn taasd nebã.—1 Tɩm. 4:16.