Yãmb sogsgã leoore

◼ B sã n gɩdg tõnd tɩ d ra moon koɛɛgã d segd n maana wãna?

Sasa ninga, polɩɩs rãmbã gɩdga koe-moondb tɩ bas koɛɛgã moonego, tɩ bala kɩɩsda goosneemã noore. B sã n wa yeel yãmb woto, bɩ y bas moonegã la y looge. (Mat. 5:41; Fil. 4:5) Y pa segd n bao n na n wẽ no-koɛɛm ne-b y toore, sẽn na yɩl n wilg-b tɩ tõnd tara sor n na n moon koɛɛgã ye. Sã n tõe bɩ y maan yam n bãng polɩɩsã badzã nimero, bɩ a sẽn be komisaria ningã. Rẽ poore, bɩ y wilg kãsem dãmbã tao-tao tɩ b togs yellã Betɛllã. Y sã n wa rat n kẽ zak pʋgẽ bɩ zĩig n moon t’a gũudã bɩ ned a to sẽn get zakã bɩ zĩigã yell gɩdg-yã, y segd n sak n loogame la y togs kãsem dãmbã tao-tao. D sã n sikd d mens n sakd taoor dãmbã n pa wẽed no-koɛɛm ne-ba, na n kɩtame tɩ d ra paam zu-loees sẽn tõe n tiis koɛɛgã mooneg zaalem ye.—Yel. 15:1; Rom 12:18.