Bõe yĩng tɩ d segd n loog tao-tao?

D sã n mi n seg taab koe-moonegã yĩnga, d nong n sõsdame. Rẽ pa wẽng ye. La koe-moonegã tigsg sã n sa, d segd n looga moonegã zĩigẽ tao-tao, bala d koe-moonegã yaa tʋʋm-yãgdem. (2 Tɩm. 4:2) D sã n yals n kaoose, d pa na n paam sẽk wʋsg n moon koɛɛgã ye. Koe-moonegã sasa, d tõe n wa paama segb n keng taab raoodo. D sã n moond koɛɛgã n pa sãamd d sẽkã zaalem, wilgdame tɩ d sakda a Zeova ne a Bi-riblã, n tʋmd ne d sũur fãa.—Rom 12:11.