Yãmb Sogsgã Leoore

◼ D segd n zãmsa ned Biiblã n ta zĩ-bʋgo?

D segd n zãmsa ned Biiblã hal t’a wa baas Biiblã sɩd yetame tɩ bõe? sebrã, ne Kell-y n pa-y “Wẽnnaam nonglmã pʋgẽ” sebrã. Baa karen-biigã sã n deeg lisgu, y segd n kell n zãmsa Biiblã ne-a tɩ sɛb a yiibã wa sa. A lisgã poor menga, d tõe n ket n sõt-a-la wa Biibl zãmsa, n sõt lɛɛr dãmb nins d sẽn dɩkd n zãms ne-a wã, la lebg-n-tɩ-gesã. Koe-moond a to sã n yãag tõndo, yẽ me tõe n sõda lɛɛrã.—Ges-y yʋʋmd 2009 tʋʋlg kiuug Rĩungã Tʋʋmd seb-neng a 2.

D segd n sõnga nin-paalsã tɩ b paam bãngr sõma, tɩ d yaool n bas b zãmsgã. B tẽebã segdame n “kɩ yẽga,” b togame me n “kell n tall tẽeb kãn-kãe,” sẽn na yɩl n tõog n mao ne zu-loees la kʋɩɩbg nins b sẽn na n segã. (Kol. 2:6, 7; 2 Tɩm. 3:12; 1 Pɩɛ. 5:8, 9) Sẽn paase, sẽn na yɩl n tõog n zãms neb a taabã sõma, b segdame n “paam sɩdã bãngr hakɩka.” (1 Tɩm. 2:4, NW) D sã n modgd n baasd sɛb-kãensã a yiibã ne karen-biisã, d sõngd-b lame tɩ b kell n pa sor ning sẽn debd vɩɩm zĩigẽ wã zugu.—Mat. 7:14.

Nand tɩ kãsem dãmbã sak tɩ ned reeg lisgu, b segd n gesa a soabã sã n mii bũmb nins sẽn be Biiblã pʋgẽ tɩ yaa tɩlae t’a reng n bãngã sõma, la a sã n sɩd tũuda rẽ. Sẽn yɩɩd fãa, a soabã sã n nan pa baas Biiblã sɩd yetame tɩ bõe? sebrã, kãsem dãmbã segd n maana gũusg wʋsgo. Kãsem dãmbã sã n ges n mik tɩ ned pa ta lisg reegre, b segd n kɩtame tɩ b sõng-a zĩig ning a sẽn dat sõngrã, t’a wa tõog n deeg lisg nindaare.—Ges-y Organisés pour faire la volonté de Jéhovah sebrã neng 217-218.

[Goam sẽn tar pãnga, seb-neng a 2]

D segd n sõnga nin-paalsã tɩ b paam bãngr sõma