Sõng-y-b tɩ b tẽebã tall pãnga

D sũur yaa noogo, d sẽn ne a Zeova sẽn ningd koe-moonegã bark to-to wã. Yʋʋmd fãa, sẽn yɩɩd neb tus kos-yi la pis-nu n deegd lisgu. (Tõo. 28:2) Koe-moond sã n zãms ned Biiblã t’a wa reeg lisgu, a tõe n dat n basa nin-kãng zãmsgã masã la a sõng neb a taaba. Sẽn nan deeg-a lisgã me tõe n dat n basa zãmsgã n paam sẽk n moon koɛɛgã wʋsgo. La segdame tɩ Biibl karen-biig fãa kɩ yẽg sɩdã pʋgẽ. D tog n sõnga d Biibl karen-biisã tɩ b yɩ kiris-neb sẽn “kɩ yẽga,” n ‘tar tẽeb kãn-kãe.’ (Kol. 2:6, 7; 2 Tɩm. 3:12) Woto yĩnga, Biibl karen-biig sã n deeg lisg tɩ b nan pa zãms-a Biiblã yetame sebrã n sa, b segd n zãms-a lame n baase, la b zãms-a “Wẽnnaam nonglmã” sebrã me.—Ges-y yʋʋmd 2011 tʋʋl-nif kiuug Rĩungã Tʋʋmde, seb-neng a 2.