Y sẽn tõe n yeele:

Y sẽn tõe n sɩng Biibl zãmsg ne nebã zĩ-likr kiuugã pipi sibrã to-to

“Rũndã-rũndã vɩɩmã sẽn lebg toogã, zagsã rãmb wʋsg tara zu-loeese. Yãmb tagsdame tɩ yɛ la d tõe n paam sõngr sẽn na yɩl tɩ sũ-noog zĩnd d zakã pʋgẽ?” Bas-y t’a leoke. Kõ-y-yã-a zĩ-likr kiuugã pipi daar Gũusg Gasgã, la y lak seb-neng 16 ne 17 wã zĩigẽ, n karem sẽn be pipi gom-zu-bilã tẽngrã, la vɛrse nins b sẽn sõdg be wã a ye, la y sõs y sẽn karmã zug bilfu. Rẽ poor bɩ y bas sebrã ne-a, la y rɩk sɛk n lebg n tɩ leok sokr ning sẽn pʋgdã.

Gũusg Gasgã zĩ-likri, 1

Wilg-y a soabã foto wã sẽn be sebrã zugã, la y sok-a woto: “B sã n togs yãmb bũmb Wẽnnaam zugu, y maanda wãn n bãng sã n yaa sɩd bɩ ziri? [Bas-y t’a leoke.] A Zezi wilga d sẽn tõe n tik bũmb ning n bãng sã n yaa sɩd bɩ ziri. [Karem Zã 17:17.] Dẽnd yaa Biiblã bal n wilgd tõnd sɩdã Wẽnnaam zugu. Seb-kãngã wilgda ziri a nu b sẽn togs Wẽnnaam zugu, tɩ Biiblã kõt vẽnegr rẽ wɛɛngẽ.”

Réveillez-vous ! Zĩ-likri

“Tõnd sõsda ne roagdbã, kambã wubr wɛɛngẽ. Sã n yaa ne yãmba, rũndã-rũndã bõe n yaa toog ne roagdbã kambã wubr wɛɛngẽ? [Bas-y t’a leoke.] Roagdb wʋsg baooda sagls Biiblã pʋgẽ. Wala makre, saglg n be ka kambã kiblg wɛɛngẽ. [Karem Efɛɛz rãmb 4:31.] Seb-kãngã wilgda Biiblã saglsã sẽn tõe n sõng roagdbã b kambã wubr wɛɛngẽ to-to.”