Y sẽn tõe n yeele:

Y sẽn tõe n sɩng Biibl zãmsg ne nebã zĩ-likr kiuug pipi sibrã to-to

“D bee yãmb sakã pʋgẽ n sõsd ne nebã. Wʋsg tõnd sẽn zoe n kaag yeelame tɩ zu-loɛɛg sẽn nams bãmb n yɩɩd b vɩɩmã pʋgẽ, yaa b ned kaalem. Yaa woto me ne yãmb bɩ? [Bas-y t’a leoke.] Ges-y bũmb sẽn kengd pɛlga.” Wilg-y zĩ-likr kiuug pipi daar Gũusg Gasgã yaoolem seb-nengã la y karem pipi sokrã tẽngr gʋlsmã, ne vɛrse nins sẽn be be wã baa yaa a yembre. Rẽ poor bɩ y kãab-a periodik rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã, zĩ-likri, 1

“Tõnd kaagda nebã n tẽegd-b Biiblã kareng yõodo. Neb kẽer nanda Biiblã, la sãnda pa nand-a ye. La yãmb yẽ? [Bas-y t’a leoke.] Kelg-y Biiblã sẽn yete. [Karm-y 1 Tesalonik rãmb 2:13.] Mam kɩsa sɩd tɩ yãmb me sak n deegame tɩ Biiblã sã n yaa Wẽnnaam sebre, a kareng tara yõodo. Seb-kãngã wilgda Biiblã sẽn yaa sebr ningã koɛɛg-koɛɛga, la d sẽn segd n nand-a wã võore.”

Réveillez-vous ! Zĩ-likri

“Mam da nong n sokẽ-la yãmb yaa, “ned tarem sã n paoodẽ, a tõe n talla sũ-noog bɩ? [Bas-y t’a leoke.] Kelg-y Biiblã sẽn yete. [Karm-y 1 Tɩmote 6:8.] Seb-kãngã wilgda d sẽn tõe n tall tagsg sẽn zems laogã wɛɛngẽ to-to, la a wilgd bũmb a tãab sẽn tar yõodo, tɩ ligd pa tõe n da-b ye.”