Y sẽn tõe n yeele:

Y sẽn tõe n sɩng Biibl zãmsg ne nebã yʋʋm-sar kiuugã pipi sibrã to-to

“Yaa vẽeneg tɩ ned kae n pa rat zoa ye. La sã n yaa ne yãmba, bõe n wilgd tɩ ned yaa zo-sõngo? [Bas-y t’a leoke.] Seb-kãngã wilgda bʋʋm nins sẽn kɩt tɩ d pa segd n yãk d zo-rãmbã yaarã.” Kõ-y-yã-a yʋʋm-sar kiuugã pipi daar Gũusg Gasgã, la y lak seb-neng 16 zĩigẽ, n karem sẽn be pipi gom-zu-bilã tẽngrã, la vɛrse nins b sẽn sõdg be wã a ye, la y sõs y sẽn karmã zug bilfu. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã, yʋʋm-sare, 1

“Yʋʋmã noorã, tẽn-digimdgã la sa-bɛdã lebga wʋsgo. Yãmb tagsdame tɩ yaa bõe yĩnga? [Bas-y t’a leoke.] Biiblã ra reng n togsame tɩ wakat n na n zĩnd tɩ yel-kãensã lebg wʋsgo. [Karm-y Matɩe 24:7, 8.] Seb-kãngã wilgda bũmb ning sẽn kɩt tɩ yel-be-kãensã yaa wʋsg rũndã-rũndã wã, la a wilgd sã n yaa Wẽnnaam n tũnugd ne rẽ n sɩbgd nebã. A leb n wilgda bʋʋm nins sẽn kɩt tɩ d tõe n tẽ tɩ ka la bilfu, Wẽnnaam na n kɩtame tɩ yel-kãensã sa wã.”

Réveillez-vous ! Yʋʋm-sare

Karm-y 2 Tɩmote 3:16 la y yeele: “Neb kẽer sak n deegame tɩ yaa Wẽnnaam n kɩt tɩ b gʋls Biiblã. Kẽer me pa tẽed rẽ ye. La yãmba? [Bas-y t’a leoke.] Baa nebã tagsg sẽn pa yembr rẽ zugã, wʋsg miime tɩ sebr a to kae neb sẽn bao n na n menes n ta Biiblã ye. Seb-kãngã gomda nebã sẽn da maan to-to n na n menes Biiblã, wall b kɩt tɩ nebã ra paam-a n karmã yelle. A wilgda bũmb ning sẽn kɩt tɩ b pa tõogã me.”