Y sẽn tõe n yeele:

Y sẽn tõe n sɩng Biibl zãmsg ne nebã yʋʋm-sar kiuugã pipi sibrã to-to

“Yʋʋmdã sasa kãnga, nebã wʋsg tagsda a Zezi yelle. Ne yãmba, bõe la a maan tɩ yaa bõn-kãseng n yɩɩda? [Bas-y t’a leoke, la y lak seb-neng 16 zĩigẽ.] Ges-y b sẽn yet bũmb ning kaanẽ.” Kõ-y-yã-a yʋʋm-sar kiuugã pipi daar Gũusg Gasgã, la y karem sẽn be pipi gom-zu-bilã tẽngrã la vɛrse nins sẽn be be wã a ye, la y sõs y sẽn karmã zug bilfu. Rẽ poor bɩ y kãab-a periodik rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã Yʋʋm-sare, 1

“Yʋʋmdã sasa kãnga, yaa Nowɛllã yell n be neb wʋsg yamẽ. [Lak-y seb-neng a 3 zĩigẽ, la y wilg-a bũmb a nu wã nebã sẽn nong n maand Nowɛllã sasa wã, n sok-a n gese bʋg n tar yõod n yɩɩda. Bas-y t’a leoke, tɩ rẽ poor bɩ y lak zĩig ning b sẽn wɛgs gomd ning a sẽn yãkã, la y karem gomdã sẽn tik vɛrse ning zugã.] Seb-kãngã sõngda tõnd tɩ d bãng bũmb kẽer d sẽn tõe n maan n tẽeg a Zezi yell yʋʋmdã fãa pʋgẽ la pa Nowɛllã sasa bal ye.”

Réveillez-vous ! Yʋʋm-sare

“Rũndã-rũndã, yɩɩrã ne yaamsã lebga wʋsgo, tɩ kẽer tagsdẽ tɩ rẽ kɩtame tɩ neb wʋsg pa le maand sũ-mar ne taab ye. Yãmb me tagsda woto bɩ? [Bas-y t’a leoke.] Neb kẽer tagsdame tɩ d vɩɩ wakat ning Biiblã sẽn da pĩnd n yeel tɩ yɩɩrã na n yɩɩ wʋsgã. [Karem 2 Tɩmote 3:1.] Seb-kãngã wilgda sũ-marã yõodo, la d sẽn tõe n maan to-to n paam sũ-mar n paase.”