Y sẽn tõe n yeele:

Y sẽn tõe n sɩng Biibl zãmsg ne nebã yʋʋm-​vẽkr kiuugã pipi sibrã to-​to

“B sã n sok yãmb tɩ Wẽnnaam tara yʋʋre, yãmb na n leokame tɩ bõe?” [Bas-⁠y t’a leoke.] Kõ-y-yã-a yʋʋm-vẽkr kiuugã pipi daar Gũusg Gasgã, n wilg-⁠a seb-​neng 32 wã zĩigẽ, la y karem sẽn be pipi gom-zu-bilã tẽngrã la vɛrse nins sẽn be be wã a ye. Sõs-y y sẽn karmã zug bilfu. Rẽ poor bɩ y kãab-a periodik rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã, Yʋʋm-​vẽkre, 1

“Neb wʋsg gomda dũniyã saab yelle. Yãmb tagsdame tɩ d segd n maana rabeem ne dũniyã saab bɩ? [Bas-y t’a leoke, la y karem 1 Zã 2:17.] Vɛrse kãngã wilgdame tɩ neb n na n põs dũniyã saab wakate. Seb-kãngã pʋgẽ, b tika Biiblã zugu, n leokd sogsg a naas nebã sẽn nong n sokd dũniyã saab wɛɛngẽ.”

Réveillez-​vous ! Yʋʋm-​vẽkre

“Tõnd sõsda ne zagsã rãmba, n wilgd-b bũmb sẽn tõe n sõng-ba. [Karem Tʋʋm 20:35b.] Yãmb tagsdame tɩ tara yõod tɩ zagsã rãmb tũ a Zezi sẽn sagl bũmb ningã bɩ? [Bas-y t’a leoke.] Sẽn mik tɩ nebã wʋsgã yaa b mensã yell bal n pak-bã, yɩl n sõng kambã tɩ b tagsd neb a taabã me yell yaa toogo. Seb-​kãngã tara sagls sẽn tõe n sõng roagdbã tɩ b wub b kambã tɩ b yɩ neb sẽn tagsd b taabã yelle.”