Y sẽn tõe n yeele:

Y sẽn tõe n sɩng Biibl zãmsg ne nebã yʋʋm-vẽkr kiuug pipi sibrã to-to

“Ned kam fãa tara a tagsg Wẽnnaam zugu. Sãnda tẽedame tɩ ned pa tol n tõe n bãng a sẽn yaa soabã takɩ ye. Neb a taab me yetame t’a yaa d Ba sẽn be saasẽ, la sẽn nong-do. La yãmb yẽ yetame tɩ bõe?” Bas-y t’a leoke. Wilg-y-yã-a yʋʋm-vẽkr kiuug pipi daar Gũusg Gasgã yaoolem seb-nengã la y karem pipi sokrã ne leoorã sẽn pʋglã, la vɛrse nins sẽn be be wã a ye. Rẽ poor bɩ y kãab-a periodik rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã Yʋʋm-vẽkre, 1

“Tõnd gomda bũmb sẽn pak ãdem-biisã fãa yelle: Yaa kũumã. Rẽ yĩnga y pa sak n deeg tɩ d zoa wall d roagd sã n maan kaalem, zabda wʋsg sɩda? [Bas-y t’a leoke.] Biiblã vɛrse kãngã kenga neb wʋsg raoodo. [Karm-y Ezai 25:8.] Seb-kãngã gomda Biiblã sẽn pʋlem tɩ wakat n wat tɩ kũum pa na n le zĩndã yelle, la sẽn ki-bã me sẽn na n vʋʋgã yelle.”

Réveillez-vous ! Yʋʋm-vẽkre

“Yãmb sak n deegame tɩ rũndã-rũndã, zagsã neb maooda ne zu-loees wʋsg bɩ? [Bas-y t’a leoke.] Biiblã vɛrse kãngã wilgda bũmb ning sẽn tõe n sõng zagsã rãmb tɩ b zĩid-n-taarã tall barka. [Karm-y Yelbũn 24:3.] Neb wʋsg yãame tɩ Biiblã saglsã sɩd yaa sõma, n kõt yam. Seb-kãngã gomda sit wɛɛb a ye yelle. Yaa sit sẽn tar sɛb la video-rãmb sẽn tik Biiblã zug la sẽn sõngd zagsã rãmba, tɩ y tõe n paam-b zaalem.”