Y sẽn tõe n yeele:

Y sẽn tõe n sɩng Biibl zãmsg ne nebã yʋʋm-sar kiuug pipi sibrã to-to

“Tõnd kaagda nebã n sõsd ne-b zakã pʋgẽ vɩɩmã zugu. Roagdb wʋsg tʋllame tɩ b kambã nong Wẽnnaam. La rẽ yĩnga yãmb tagsdame tɩ yaa roagdbã n segd n sõng b kambã tɩ b nong Wẽnnaam bɩ, bɩ yaa kambã n segd n bao n nong Wẽnnaam b toore?” Bas-y t’a leoke. Wilg-y-yã-a sõsg ning sẽn be yʋʋm-sar kiuug pipi daar Gũusg Gasgã yaoolem nengã. Karm-y pipi gom-zu-bilã tẽngr goamã, ne vɛrse nins b sẽn sõdg be wã baa yaa a ye, la y sõs y sẽn karmã zug bilfu. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã, Yʋʋm-sare, 1

“Tõnd gomda Wẽnnaam yell ne nebã sakã pʋgẽ. D miime tɩ ned kam fãa tara a sẽn tẽed bũmb ning Wẽnnaam zugu. La rẽ yĩnga yãmb tagsdame tɩ Wẽnnaam yaa y zoa sẽn get y yell sõma bɩ, bɩ y tagsdame tɩ y pa tol n tõe n bãng a sẽn yaa a soabã takɩ? [Bas-y t’a leoke.] Biiblã vɛrse-kãngã wilgdame tɩ Wẽnnaam datame tɩ d bao a zoodo. [Karm-y Zak 4:8a.] Seb-kãngã wilgda bũmb a tãab d sẽn tõe n maan n paam Wẽnnaam zoodo.”

Réveillez-vous ! Yʋʋm-sare

“Tõnd gomda bãag sẽn pak neb wʋsg yelle. Yaa yam-ka-m-mengã. Nasiõzĩni wã siglg ning sẽn get laafɩ wã yellã wilgame tɩ d sã n na n mage, neb a naas sʋka, nin-yend n bẽed bã-kãngã. Yãmb tagsdame tɩ bãagã bee zĩig zãng masã bɩ? [Bas-y t’a leoke.] Biiblã wilgdame tɩ wakat n wat tɩ bãas la toog buud baa a ye pa na n le zĩnd dũniyã zug ye. [Karm-y Wilgr 21:3, 4.] Seb-kãngã wilgda bũmb kẽer d sẽn segd n bãng yam-ka-m-mengã wɛɛngẽ.”