Wakat d sẽn tõe n kelg Rĩungã yɩɩlã

A Zeova Kaset rãmbã miime tɩ yɩɩlã sẽn tõe n noog ninsaalbã sũurã yaa kũun sẽn yit a Zeova nengẽ. (Zak 1:17) Tigims wʋsg pʋsẽ, b nong n kelgda d yɩɩlã nand tɩ tigsgã sɩnge, la tigsgã poore. D sã n ta tigsgã zĩigẽ tɩ pipi bũmb d sẽn wʋmd yaa yɩɩn-kãensã, d sũur yaa noogo. Leb n segenda tõnd tigsgã yĩnga. Sẽn paase, sã n yaa d yɩɩn-paalã la d kelgda, sõngdame tɩ d bãng-b sõma. D sã n kelgd yɩɩn-kãensã tigsgã poore, b kelgrã yamleoog na n kɩtame tɩ d yals bilf n sõs ne taaba, n keng taab raoodo. Tiging fãa kãsem-dãmb n tog n ges tɩ b ningd Chantons à Jéhovah  — Accompagnement au piano wã nand tɩ tigsgã sɩnge, la a poore. B segd n gesame tɩ ra yãng wʋsg hal tɩ sẽn sõsd-bã pa wʋmd taab ye.