D tall video-rãmbã n zãms nebã Biiblã

A Zeova sẽn da wa n na n taas a Abrahaam ne a Zeremi kibay sẽn tar yõod wʋsgã, a pa gom ne-b ne noor bal ye. A wilga b ned kam fãa bũmbu, tɩ b yã n tõog n wʋm kibarã võore. (Sɩng. 15:5; Zer. 18:1-6) D sã n tik bũmb nif sẽn tõe n yã wala d video-rãmbã, d tõogd n sõnga d karen-biisã tɩ b sak n tẽ Biiblã sẽn yetã. Sagls nins sẽn be tẽngrã wilgda d sẽn tõe n tall d video-rãmbã kẽer to-to n zãms nebã. La bãng-y tɩ karen-biisã sẽn pa yembrã, y pa tõe n tũ sagl-kãensã tiki takɩ ye. Rẽnda y tʋm ne yam.

Biiblã yetame sebrã

◻ Sak a 1 wã sull 17 soabã vaeesg poore, y tõe n gesa Les merveilles de la création révèlent la gloire de Dieu video wã.

◻ Sak a 2 wã vaeesg poor bɩ y ges La Bible : le plus ancien livre de l’humanité — mais toujours d’actualité video wã.

◻ Sak a 9 wã sull 14 soabã vaeesg sã n sa, y tõe n gesa Les Témoins de Jéhovah : Organisés pour proclamer la bonne nouvelle video wã.

◻ Sak 14 soabã vaeesg poore, y tõe n gesa La Bible : une force dans votre vie video wã.

◻ Sak 15 wã sull 10 soabã poore, bɩ y ges Toute la communauté de nos frères video wã.

Wẽnnaam nonglmã sebrã

◻ Sak a 3 wã sull 15 soabã poore, y tõe n gesa Les jeunes s’interrogent. . . Comment se faire de vrais amis? video wã.

◻ Sak a 4 soabã vaeesg poore, y tõe n gesa Respectons l’autorité de Jéhovah video wã.

◻ Sak a 7 soabã sull 12 wã poore, y tõe n gesa Pas de sang : la médecine relève le défi video wã.

◻ Sak a 9 wã sull a 6 soabã sã n sa, bɩ y ges Des exemples qui nous servent d’avertissement video wã.

◻ Sak 17 wã sã n sa bɩ y ges Marchons par la foi, non par la vue video wã.

Tõnd video-rãmb a taab me n tõe n naf d karen-biisã bɩ? N-ye. Kẽer b sẽn namsd b tẽebã yĩng sã n ges Fidèles dans les épreuves - Les Témoins de Jéhovah en Union soviétique bɩ, La fermeté des Témoins de Jéhovah face à la persécution nazie video-rãmbã, na n sõng-b lame. Sã n yaa bi-bɩɩga, Poursuivez des objectifs qui honorent Dieu ne Les jeunes s’interrogent. . . Que vais-je faire de ma vie? video-rãmbã na n naf-a lame. Y sã n zãmsda Biiblã yetame sebrã wall Wẽnnaam nonglmã sebrã ne karen-biigã, y tõe n deng n yãka wakat ning y sẽn na n ges video wã wall y kõ-a t’a tɩ gesã, n gʋls rẽ y sebrã pʋgẽ tɩ sõng-y tɩ y tẽege. B sã n yiis video-paall fãa, bɩ y tags y sẽn tõe n tũnug ne-a to-to n zãms y karen-biigã Biiblã tɩ kẽ-a sõma.—Luk 24:32.