Y sẽn tõe n yeele:

Y sẽn tõe n sɩng Biibl zãmsg ne nebã sa-sik kiuug pipi sibrã to-to

Nebã fãa la bal mi n pʋʋsda Wẽnnaam. Baa neb sẽn pa tẽed tɩ Wẽnd beeme zoe n pʋʋsa Wẽnnaam b zu-loees sasa. Yãmb tagsdame tɩ Wẽnnaam kelgda pʋʋsg buud fãa bɩ? Bas-y t’a leoke. Wilg-y-yã-a sak-kiuugã pipi daar Gũusg Gasgã yaoolem seb-nengã la y karem pipi sokrã ne leoorã sẽn pʋglã, la vɛrse nins sẽn be be wã a ye. Rẽ poor bɩ y kãab-a periodik rãmbã, la y rɩk sɛk n lebg n tɩ leok sokr ning sẽn pʋgdã.

Vẽnegre: Yaa sa-sik kiuug rasem a 3 semennã tʋʋmdã tigsg sasa la y segd n maan mak-n-wilg kãngã.

Gũusg Gasgã, sa-sika, 1

“D kaagda nebã yibeoogã n gomd bũmb sẽn sãamd neb wʋsg sũy yelle: Yaa yoobã yɛl b sẽn wilgd zĩig zãng masã wã. La neb me n tagsd tɩ yoobã yɛl gesg pa wẽng ye. La yãmb yẽ? [Bas-y t’a leoke.] A Zezi yeelame tɩ yaa bũmb sẽn wat ne biis ninsã n tõe n sõng-d tɩ d bãng a sã n sɩd yaa bõn-sõngo. [Karm-y Matɩe 7:17.] Seb-kãngã gomda yoobã yɛl gesg sẽn wat ne biis ninsã. A kõta sagls me sẽn tõe n sõng ned t’a tõog n bas yoobã yɛl gesgo.”

Réveillez-vous ! Sa-sika

“Tõnd fãa la bal tʋll n vɩɩmdame n kaoose. Yãmb tagsdame tɩ siãnsã bãngdb sẽn paamd bãngr n paasdẽ wã na n wa tõogame tɩ d vɩɩmd wakat sẽn kõn sa bɩ? [Bas-y t’a leoke.] Kelg-y gomd sẽn kengd raoodo. [Karm-y 1 Korẽnt dãmb 15:26.] Yãmb tagsdame tɩ yaa ne siãnsã maasem la Wẽnnaam na n pids gom-kãensã bɩ, bɩ na n tũu ne bũmb a to? Sẽn paase, bõe yĩng tɩ ninsaal pʋd n kʋʋndẽ la a kiidẽ? Seb-kãngã wilgda Biiblã sẽn leokd sogs-kãensã to-to.”