Y sẽn tõe n yeele:

Y sẽn tõe n sɩng Biibl zãmsg ne nebã sa-sik kiuugã pipi sibrã to-to

“Nebã tara tũudum toor-toore, tɩ b sẽn pʋʋsd Wẽnnaam to-to wã me yaa toor-toore. Yãmb tagsdame tɩ woto zemsame bɩ? [Bas-y t’a leoke.] Ges-y a Zezi sẽn yeel bũmb ning rẽ wɛɛngẽ.” Kõ-y-yã-a sa-sik kiuugã pipi daar Gũusg Gasgã, la y lak seb-neng 16 zĩigẽ, n karem sẽn be pipi gom-zu-bilã tẽngrã, la vɛrse b sẽn sõdg be, la y sõs y sẽn karmã zug bilfu. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã sa-sika, 1

“Yãmb tagsdame tɩ b segd n zãmsa kambã tɩ b bãng Wẽnnaam b sẽn ket n yaa yãas sasa bɩ, bɩ b segd n basame tɩ b bɩ n yaool n wa yãk b toorẽ tũudum? [Bas-y t’a leoke.] Ges-y Biiblã sẽn yet ba rãmbã tɩ b maan bũmb ninga. [Karm-y Efɛɛz rãmb 6:4.] Seb-kãngã kõta sagls kẽer sẽn tõe n sõng roagdbã tɩ b zãms b kambã tɩ b bãng Wẽnnaam.”

Réveillez-vous ! Sa-sika

“Mam dat n bãnga yãmb tagsg vɛrse kãngã zugu. [Karm-y 1 Sãmwɛll 16:23.] Sã n yaa ne vɛrse kãnga, mizik tõe n maana ned bũmbu. La yãmb miime tɩ mizik kẽer tõe n maana ned yell bɩ? [Bas-y t’a leoke.] Seb-kãngã wilgda d sẽn tõe n bãng n yãk mizik sẽn yaa sõma to-to, la d sẽn tõe n sõng d kambã me tɩ b bãng n yãke.”