Y sẽn tõe n yeele:

Y sẽn tõe n sɩng Biibl zãmsg ne nebã wao-fugdg kiuug pipi sibrã to-to

“Nebã tara tagsa toor-toor Biiblã zugu. Kẽer tẽedame t’a yaa Wẽnnaam Gomde, tɩ sãnda tẽed t’a yaa wa sɛb a taabã bala. La yãmb yẽ?” Bas-y t’a leoke. Wilg-y wao-fugdg kiuug pipi daar Gũusg Gasgã yaoolem seb-nengã la y karem pipi sokrã tẽngr gʋlsmã, ne vɛrse nins sẽn be be wã baa yaa a ye. Rẽ poor bɩ y kãab-a periodik-rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã Wao-fugdgu, 1

“Nebã wʋsg nongẽ lame tɩ zabã sa tɩ laafɩ zĩnd dũni gill zugu. Yãmb tagsdame tɩ woto tõeeme bɩ? [Bas-y t’a leoke.] Kelg-y Wẽnnaam Gomdã sẽn pʋlme. [Karm-y Yɩɩl Sõamyã 46:10.] Bũmb ning sẽn zĩnd dũni gill pipi zabrã sasa la a poorã kɩtame tɩ d tõe n bas d yam tɩ ka la bilfu, Wẽnnaam na n sɩd menesa zabã wakat fãa yĩng wa a sẽn pʋlmã. B gomda rẽ yell seb-kãngã pʋgẽ.”

Réveillez-vous ! Wao-fugdgu

“Tõnd gomda zu-loɛɛg sẽn pak-d fãa yelle. Yaa sẽkã paoong sẽn lebg toogã. Rẽ yĩnga yãmb tagsdame tɩ yaa d sẽn mi n tʋll n maan yɛl wʋsgã yĩng la d sẽn pa tar sẽkã bɩ, bɩ yaa tõnd n sãamd sẽkã? [Bas-y t’a leoke.] Wʋsg pa mi tɩ Biiblã kõta sagls sẽn tõe n sõng-d tɩ d tõog n paam sẽk ye. Ad sagl-kãens a yembre. [Karm-y Filip rãmba 1:10a.] Seb-kãngã wilgda sagls a naas sẽn sõng neb wʋsg tɩ b pa sãamd b sẽkã ye.”