Y sẽn tõe n yeele

Y sẽn tõe n sɩng Biibl zãmsg ne nebã tʋʋlg kiuugã pipi sibrã to-to

“Tõnd gomda bũmb sẽn na n zĩnd tʋʋl-nif kiuugã rasem 14 yelle. Yaa a Zezi kũumã tẽegre. Neb kẽer na n tẽega a Zezi kũum yelle, b sẽn mi tɩ yaa bũmb sẽn tar yõod wʋsgã. La sãnda pa wʋmd a kũumã võor ye. Yãmb tagsdame t’a Zezi kũumã nafda ãdem-biisã bɩ?” Bas-y t’a leoke. Wilg-y-yã-a sõsg ning sẽn be tʋʋlg kiuug pipi daar Gũusg Gasgã yaoolem nengã. Karm-y pipi gom-zu-bilã tẽngr goamã, ne vɛrse nins b sẽn sõdg be wã a ye, la y sõs y sẽn karmã zug bilfu. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã, Tʋʋlgo, 1

“Neb wʋsg pa wʋmd Wẽnnaam sẽn bas tɩ tʋʋm-kɛgã la namsgã ket n be dũniyã zugã võor ye. Yãmb tagsdame tɩ woto wilgdame tɩ Wẽnnaam toor kae ne tõnd bɩ, bɩ a ratame tɩ ãdem-biig fãa namse? [Bas-y t’a leoke. Rẽ poor bɩ y karem Zã 3:16.] Baa neb wʋsg sẽn tikd vɛrse kãngã n wilgdẽ tɩ Wẽnnaam nonga tõndã, b pa kɩs sɩd tɩ Wẽnnaam biigã kũum sɩd nafd-b lame ye. Seb-kãngã pʋgẽ, b wilgda a Zezi kũumã sẽn kɩt tɩ tʋʋm-kɛgã la namsgã na n sa dũniyã zug to-to.”

Réveillez-vous ! Tʋʋlgo

“Tõnd gũus n gesame tɩ nebã tagsg yaa toor-toor ligdã wɛɛngẽ. Kẽer yetame tɩ yaa ligdã n wat ne zu-loeesã, tɩ sãndã yetẽ tɩ ligd tõe n kogla neda, la kɩt t’a vɩɩmã tall barka. La yãmb yẽ? [Bas-y t’a leoke. Rẽ poor bɩ y karem 1 Tɩmote 6:10.] Seb-kãngã neng a 8 wã zĩigẽ, b wilgda Biiblã sẽn yet bũmb ning ligdã wɛɛngẽ.”