Y sẽn tõe n yeele:

Y sẽn tõe n yeel n kãab ned tẽegrã seb-vãoogo

“Tõnd pʋɩta seb-vãoog n boond nebã tɩ b wa naag-d n maan bũmb sẽn tar yõod wʋsgo. Tʋʋl-nif kiuugã rasem 14, neb milyõ-rãmb n na n tigim taab dũniyã gill zug n tẽeg a Zezi Kirist kũumã yelle, la b kelg sõsg sẽn na n wilg a kũumã sẽn nafd tõnd to-to. Seb-vãoogã la woto. A zugã, b wilga tigsgã zĩiga, la a sẽn na n yɩ wakat ninga.”

Gũusg Gasgã, Tʋʋl-nifu, 1

“Tõnd gomda bũmb nebã fãa la bal sẽn maand yelle: Yaa pʋʋsgã. Baa tũudmã sẽn yaa toor-toorã, nebã fãa la bal pʋʋsdame. Yãmb tagsdame tɩ Wẽnnaam deegda pʋʋsg bɩ, bɩ y tagsdame tɩ nebã sẽn pʋʋsdã yaa sẽn na yɩl n yĩm b zu-loeesã bala? [Bas-y t’a leoke.] Kelg-y Biiblã sẽn yete. [Karm-y 1 Zã 5:14.] Seb-kãngã wilgda pʋʋsgã sẽn tõe n naf ned to-to.”

Réveillez-vous ! Tʋʋl-nifu

“Tõnd gomda zu-loɛɛg a yembr yelle, la d wilgd nebã bũmb ning sẽn tõe n sõng-ba. Yaa yɛlã sẽn mi n loog nina t’a wa tẽed t’a sẽn kʋʋd a meng n são wã. Rẽ yĩnga ned sã n wa tagsd woto, yãmb tẽedame t’a sɩd rata kũumã bɩ, bɩ a ratame bal t’a yɩɩrã sa? [Bas-y t’a leoke.] Kelg-y bũmb Biiblã sẽn pʋlme, tɩ sõng neb a woto buud wʋsg tɩ b toeem yam. [Karm-y Wilgr 21:3, 4.] Seb-kãngã wilgda sagls a tãab sẽn tõe n sõng neda, tɩ baa a zu-loeesã sã n keng bɩ a ra kʋ a meng ye.”