Y sẽn tõe n yeele:

Y sẽn tõe n sɩng Biibl zãmsg ne nebã sigr kiuug pipi sibrã to-to

“Tõnd sokda nebã sokr tɩ wʋsg pa mi a leoor ye. [Wilg-y-yã-a sigr kiuug pipi raar Gũusg Gasgã yaoolem nengã, la y sok-a pipi sokrã, n bas t’a leoke.]” Karm-y pipi gom-zu-bilã tẽngr goamã, ne vɛrse nins b sẽn sõdg be wã baa yaa a ye, la y sõs y sẽn karmã zug bilfu. Rẽ poor bɩ y kãab-​a periodik rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã, Sigri, 1

“Yʋʋmd fãa, na maan neb milyõ a yoob la sɩgaarã kʋʋda. Yãmb tagsdame tɩ bũmb bee b sẽn tõe n maan n tõog tɩ ra le kʋ neb wʋsg bɩ? [Bas-y t’a leoke.] B sõnga neb wʋsg tɩ b bãng Wẽnnaam tagsg sɩgaarã yũub wɛɛngẽ, tɩ yɩ sabab tɩ kẽer base, tɩ sãnda pʋd n pa sɩng a yũub ye. Biiblã vɛrse-kãngã sõnga neb wʋsg tɩ b bãng sɩgaarã sẽn tõe n maan ned bũmb ninga. [Karm-y 1 Korẽnt dãmb 10:24.] Seb-kãngã wilgda Biiblã sẽn yet sɩgaarã wɛɛngẽ, tɩ tõe n sõng sɩga-yũud t’a ra le yũ ye.”

Réveillez-vous ! Sigri

“Ẽntɛrnetã kɩtame tɩ ned tõe n paam zo-rãmb faag-faag n yɩɩd pĩndã. La ne yãmba, zoa hakɩk yaa wãn-wãna? [Bas-y t’a leoke.] Kelg-y Biiblã saglg a ye sẽn tõe n sõng-d tɩ d bãng zoa hakɩk sẽn yaa a soaba. [Karm-y Zak 1:19.] Seb-kãngã wilgda sagls a naase, tɩ d sã n tũud-b bɩ neb wʋsg na n dat d zoodo.”