Y sẽn tõe n yeele:

Y sẽn tõe n sɩng Biibl zãmsg ne nebã sigr kiuugã pipi sibrã to-to

“Tõnd sẽn sõs ne neb ninsã fãa la bal yetame tɩ b ratame tɩ zabr da le zĩnd dũniyã zug ye. Zabã yaool n ketame. Sã n yaa ne yãmba, yaa bõe n kɩt tɩ laafɩ pa tol n tõe n zĩnd dũniyã zugã?” [Bas-y t’a leoke.] Wilg-y sigr kiuugã Gũusg Gasgã yaoolem seb-nengã, n karem pipi gom-zu-bilã tẽngr goamã, la vɛrse nins b sẽn sõdgã a ye, la y sõs y sẽn karmã zug bilfu. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.

Vẽnegre: Yaa sigr kiuugã pipi daar koe-moonegã yiib tigsgã sasa la b segd n wilg b sẽn tõe n kãab sebrã to-to.

Gũusg Gasgã Sigri, 1

“D kaagda nebã n gomd zu-loɛɛg a ye sẽn pak-d fãa yelle. Yaa bak-n-sõngã bɩ wẽgbã. A buud zoe n paama neb wʋsgo. Yãmb tagsdame tɩ neb n be dũniyã zug n pa welsd taab bɩ? [Bas-y t’a leoke.] Kelg-y Wẽnnaam Gomdã sẽn yete. [Karm-y Tʋʋm 10:34.] Seb-kãngã wilgda Wẽnnaam sẽn na n wa kɩt tɩ wẽgb buudã fãa sa to-to.”

Réveillez-vous ! Sigri

“Tõnd da nong n sokẽ-la yãmb bũmbu. Yaa sɩd tɩ ãdem-biig fãa ratame t’a vɩɩmã tall barka. La rẽ yĩnga, y tagsdame tɩ yaa d sẽn na n tar teed wʋsg la d vɩɩmã talld bark bɩ? [Bas-y t’a leoke.] Kelg-y-yã a Zezi sẽn yeele. [Karm-y Luk 12:15.] Seb-kãngã wilgda d sẽn tõe n tall tagsg sẽn zems teedã wɛɛngẽ to-to, la a kõt sagls sẽn na n sõng-d tɩ d bãng d ligdã zãabo.”