KIUUGÃ GOM-ZUGU: “BƖ F MOON WẼNNAAM KOƐƐGÃ, LA F NANG PÃNG WAKAT FÃA.”—2 TƖM. 4:2.

D sõng nebã tɩ b bãng tɩ d sẽn tẽed bũmb ning yʋʋmd 1914 wɛɛngẽ wã yaa sɩda

Gʋlsg Sõamyã pʋgẽ, b sagenda tõnd tɩ wakat fãa bɩ d bãng n leok ned ning fãa sẽn sok tõnd bũmb d tẽebã zugu, la tɩ d maan dẽ “ne sũ-maasem la sik-m-menga.” (1 Pɩɛ. 3:15) Sɩda-sɩdã, yɩl n bilg nebã Biiblã goam kẽer sẽn tagem võore, tõe n yɩɩ toogo. Wala makre, yɩl n bilg ned bũmb ning sẽn kɩt tɩ d tẽed tɩ Wẽnnaam Rĩungã lugla yʋʋmd 1914 soabã pʋgẽ wã. Sẽn na yɩl n sõng-do, b yiisa sõsg sẽn tar babs a yiibu, t’a gom-zugã yaa: “Conversation avec un témoin de Jéhovah: Quand le Royaume de Dieu a-t-il commencé à régner?” Sõs-kãng bee zĩ-likr la sɩpaolg kiisã Gũusg Gasgã b sẽn yiisd zãma wã yĩngã pʋgẽ. Y sã n wa karemd babg fãa, bɩ y tags saam-biig a François manesmã sẽn sõngd-d to-to tɩ d leok sogsg nins sẽn pʋgdã.

Wãn to la . . .

• a pẽg a kɛlgdã tɩ kɩt tɩ b wʋm taaba?—Tʋʋ. 17:22.

• a wilg sik-m-menga, a sẽn wa n gomd a tẽebã yellã?—Tʋʋ. 14:15.

Bõe yĩng tɩ d tõe n yeel t’a maana neere . . .

• a sẽn mi n kʋms a goamã n yaool n kẽng taoor ne sõsgã?

• a sẽn mi n yals bilfu, n sok a kɛlgdã n ges a sã n wʋma a goamã võorã?

• a sẽn pa bao n na n gom bũmb wʋsg yell sõsgã sasa wã?—Zã 16:12.

Tõnd karen-saam-kãseng a Zeova sẽn wilgd tõnd d sẽn tõe n bilg Biiblã goam kẽer sẽn tagem võor to-to wã, tɩ sẽn dat-b n bãng Wẽnnaam raabã wʋmã, noom-d-la wʋsgo.—Ezai 30:20.