Sõss sẽn sõngd-d koe-moonegã pʋgẽ
1. B yiisda “ Conversation avec un Témoin de Jéhovah ” sõssã bʋʋm a yiib yĩnga. Bãmb la bʋse?
1 Sõss n mi n be Gũusg Gasgã pʋgẽ tɩ b gom-zugã yaa “ Conversation avec un Témoin de Jéhovah. ” Sõs-kãensã yõodã yaa b yiibu. Pipi, b wilgda tõnd sẽn tõe n sõs ne ned to-to tɩ yɩ-a noogo. Yiib-n-soaba, yaa sẽn na n sõng-d tɩ d bãng d sẽn tõe n sõs ne ned ne yam to-to yɛl kẽer zugu. (1 Pɩɛ. 3:15) Wãn-wãn la d tõe n dɩ sõs-kãensã yõodo?
2. Wãn to la d tõe n tall “ Conversation avec un Témoin de Jéhovah ” sõssã n moon koɛɛgã?
2 Tall-y-b n moon koɛɛgã: Gũusg Gasg sã n tar sõs-kãensã buudã, y tõe n bĩnga kẽere. Koe-moonegã sasa, y sõsd-n-taaga, ned sẽn wilg t’a rat n bãngame n paase, wall y Biibl karen-biig sã n sok-y sokre, pa rẽ bɩ a kɩɩs bũmb Biiblã sẽn yete, bɩ y kɩs-a Gũusg Gasg sẽn gomd rẽ yelle, la y wilg-a t’a sã n data, y tõe n sõsa a zugu. Y sã n pa tar Gũusg Gasg ning sẽn gomd rẽ yellã, y tõe n paam-a-la tõnd sit wɛɛbẽ wã (jw.org) n telesarze.
3. Wãn to la d tõe n tũnug ne “ Conversation avec un Témoin de Jéhovah ” sõsg n sõs ne neda?
3 Wãn-wãn la d tõe n tũnug ne “ Conversation avec un Témoin de Jéhovah ” sõsg n sõs ne neda? Koe-moondb kẽer yeta b sõsd-n-taagã tɩ bãmb na n zẽkda b koɛɛg n karemd a Zeova Kaset soabã goamã, tɩ yẽ karemd sẽn pa-a a Zeova Kaset soabã goamã. B mikame tɩ b sã n maand woto, b sõsd-n-taagã tõogd n bãnga d sẽn tẽedã, n pa ges tɩ d paooga a tũudmã ye.—Tõo. 32:2.
4. Wãn to la d tõe n tũnug ne “ Conversation avec un Témoin de Jéhovah ” sõssã n segl d meng koe-moonegã yĩnga?
4 Segl-y y meng n tõog n sõng nebã: Y sã n wa karemd “ Conversation avec un Témoin de Jéhovah ” sõsg bɩ y get vɛrse rãmbã, makr toor-toorã, la sõsgã sẽn wʋg to-to wã sõma. Bao-y n bãng-y bũmb nins sẽn kɩt tɩ sõsgã tõe n kẽ ned sõma wã me. Dẽ poor bɩ y tũnug y sẽn bãng bũmb ningã n moon koɛɛgã. (Yel. 1:5; 9:9) Saam-bi-poak a yembr yeela woto: “F sã n karemd sõs-kãensã, yaa wa f sẽn yãagd so-pakd sẽn mi a tʋʋmd sõma, n kelgd-a n dɩkd yam. A mi a sẽn segd n leok a sõsd-n-taagã gomd fãa to-to tɩ zemse.”
5. Wãn to la d tõe n sõng d Biiblã karen-biig t’a segl a meng koe-moonegã yĩnga?
5 Y tõe n tall-b lame me n wilg y Biibl karen-biisã b sẽn tõe n moon koɛɛgã to-to. Karen-biigã na n yɩɩ a Zeova Kaset soabã, tɩ yãmb la a sõsd-n-taagã, tɩ y karme. Woto na n sõnga y Biibl karen-biigã t’a bãng a sẽn tõe n gom a tẽebã yell ne yam to-to tɩ b sak n kelg-a. (Kol. 4:6) Hakɩka, sõs-kãensã naaga bũmb nins a Zeova sẽn tũnugd n na n sõng tõnd tɩ d moon koɛɛgã sõma wã.—2 Tɩm. 4:5.