“Zeova, mam teega yãmba”

Noog wall toog wakate, d tog n teega a Zeova zãng-zãnga. (Yɩɩn. 25:1, 2) Yʋʋmd 700 S.D.Z.R. yell n da yɛgd zʋɩf-rãmbã sẽn da be Zʋʋde wã. Yɩɩ yell sẽn da na n kɩt tɩ b wilg b sã n sɩd teega Wẽnnaam. Tõnd tõe n dɩka yam bũmb ning sẽn maanã pʋgẽ. (Rom. 15:4) Ges-y “Zeova, mam teega yãmba” video wã. Rẽ poor bɩ y leok sogs-kãensã:

1. Zu-loe-bʋg la a Ezekɩyaas seg-yã?

2. Bõe la a Ezekɩyaas maan tɩ wilgd t’a tũu saglg ning sẽn be Yel-bũn 22:3 pʋgẽ wã?

3. Bõe yĩng t’a Ezekɩyaas pa sak Asiiri rãmbã, bɩ n maan kaool ne Ezɩpti?

4. Bõe yĩng tɩ d tõe n yeel t’a Ezekɩyaas yaa mak-sõng n kõ kiris-nebã?

5. Rũndã-rũndã, zu-loe-bʋs n tõe n kɩt tɩ yaa tɩlɛ tɩ d wilg d sã n sɩd teega a Zeova?

Gʋls zu-loees f sẽn tõe n sege, tɩ f sã n wa be zu-loe-kãens taoor bɩ f na n wilg tɩ f sɩd teega a Zeova.