Kelg-y Wẽnnaam: D tall-a n sõng nebã

B yiisa Kelg-y Wẽnnaam sebrã n na n sõng neb nins sẽn pa mi karengã, tɩ b tõe n ges fot-rãmbã n bãng Biiblã sẽn yetã. Seb-neng fãa zugu, fot-rãmbã sã n welgame, b ningda bãnd sẽn wilgd b sẽn tũud taab to-to wã, tɩ y tõe n tũ rẽ n sõs pʋgdg-pʋgdga.

Kelg-y Wẽnnaam n paam n vɩɩmd wakat sẽn kõn sa sebrã tara goam wʋsgo, sẽn mi-b karengã yĩnga. La yẽ ne Kelg-y Wẽnnaam sebrã fot-rãmb yaa a ye. Koe-moondbã nong n geta Kelg-y Wẽnnaam n paam n vɩɩmd wakat sẽn kõn sa sebrã pʋgẽ n zãmsd ned Biiblã, t’a soabã zãad Kelg-y Wẽnnaam sebrã. Seb-nens wʋsg tẽngre, b paasa goam tɩ y tõe n sõs rẽ zugu, la bee ne karen-biigã minim.

Sẽn yaa wakat ning fãa, y tõe n kãaba ned seb-kãensã, baa pa bãmb la d kãabd nebã ki-kãng pʋgẽ. Y sã n wa zãmsd ned Biiblã, bɩ y tũnug ne fot-rãmbã n sõng-a t’a bãng Biiblã kibay sõma. Sok-y karen-biigã sogsg sẽn na yɩl t’a kẽes a toogo, tɩ y bãng a sã n wʋmda zãmsgã võore. Karm-y vɛrse nins sẽn be seb-nensã tẽngrã, la y sõs rẽ zugu. Y sã n wa zãms sebrã n sa, bɩ y zãms Biiblã sɩd yetame tɩ bõe? sebrã, wall Bõe la d tõe n bãng Biiblã pʋgẽ? sebrã sẽn na yɩl n sõng-a t’a tõog n wa reeg lisgu.