D SẼN BÃNG BIIBLÃ KARENG PƲGẼ | ZÃ 5-6
D tũ a Zeezi ne yam-sõngo
Daar a yembre, a Zeezi togsa gomd sẽn makd bũmbu, la a karen-biisã mikame t’a gomdã võor wʋmb yaa toogo. Woto kɩtame tɩ kẽer tẽeb koms tɩ b bas a pʋgbo. Yaool n yɩɩ a sẽn maan yel-solemd n dɩlg-b tɩ b bãng vẽeneg tɩ Wẽnnaam sɩd bee ne-a wã vẽkembeoogo. La bõe yɩng tɩ b pa kell n tũ-a? Wõnda ra yaa b mensã yĩng bal la b sẽn da pʋgd a Zeezi wã. B sẽn da tũud-a wã yaa bãmb mensã nafr la b baooda.
Tõnd ned kam fãa segd n soka a menga: ‘Mam tũuda a Zeezi bõe yĩnga? Yaa m sẽn dat bark masã la beoog-daarã yĩng bal bɩ, bɩ yaa m sẽn sɩd nong a Zeova la m tʋll n ta a yamã yĩnga?’
Bõe yĩng tɩ sã n yaa bõn-kãensã b yiibã yĩng bal la d tũud a Zeova, bɩ d tõe n wa bas a tũubu?
D sẽn be Wẽnnaam nin-buiidã sʋkã noom-d lame.
D rat n wa vɩɩmda arzãnã pʋgẽ.