D bao tɩ Wẽnnaam zãms-do

A YÕODÃ: Zãmsg ning tõnd sẽn paamd a Zeova sẽn yaa d Karen-saam-kãsengã nugẽ wã sõmblem ka to ye. A wilgda tõnd d sẽn tõe n maan to-to tɩ d vɩɩmã yɩ sõma, la d wa paam vɩɩm sẽn tar bark beoog-daare. A maanda rẽ fãa zaalem. (Eza. 11:6-9; 30:20, 21; Vẽn. 22:17) A Zeova zãmsgã kɩtdame me tɩ d tõe n taas d taabã koe-noogã sẽn fãagd yõyã.—2 Kor. 3:5.

D SẼN TÕE N MAAN DẼ TO-TO:

• Bɩɩs-y sik-m-menga.—Yɩɩn. 25:8, 9, Wẽnnaam Sebre, 1983.

• Rɩ-y zãmsg ning y sẽn zoe n tõe n paamã yõodo. Wala makre, sõss nins karen-biisã sẽn wɛgsd Kiris-nebã vɩɩm la b tʋʋma tigsg sasa wã.

• Yãk-y y sẽn dat n wa maan a Zeova tʋʋmdã pʋgẽ, la y mao n wa tõog n maan dẽ.—Fili. 3:13.

• Sak-y n mong-y y meng bũmb kẽer n wa paam zãmsg n paase.—Fili. 3:8.

GES-Y VIDEO WÃ: A ZEOVA ZÃMSGÃ WATA NE BARK WƲSGO, TƖ RẼ POOR BƖ Y LEOK SOGSGÃ:

• Zu-loe-bʋs la koe-moondb kẽer mao ne n yaool n tõog n kẽng Rĩungã koe-moondb lekolle?

• Zãms-bʋg la Rĩungã koe-moondb lekoll karen-biisã paamda?

• Wãn to la tigims kẽer neb sõng karen-biis nins b sẽn tʋm b tigimsã pʋgẽ wã?

• Ãnd dãmb n tõe n kẽng Rĩungã koe-moondb lekolle? (kr 189)

• Zãms-bʋg me la y tõe n modg n wa paam a Zeova siglgã pʋgẽ?