D pʋʋsd a Zeova n kot a sõngre

Yaa a Zeova n kɩtd tɩ sɩdã bõn-buudã buli, la a bɩ ned sũurẽ. (1 Kor. 3:6-9) Woto yĩnga, sẽn na yɩl tɩ d koɛɛgã mooneg womd biis sõma, d segd n teega a Zeova, n kos-a t’a sõng tõnd ne d Biibl karen-biisã.

Kos a Zeova t’a sõng f Biibl karen-biisã tɩ b tõog toogo, baa ne nebã pẽdgrã, la a sõng-b tɩ b tõog n mao ne b zu-loees nins sẽn tõe n kɩt tɩ b bas zãmsgã. (Fili. 1:9, 10) Kos bũmb takɩ. Kos-a t’a kɩt t’a vʋʋsem sõngã sõng-f tɩ f tags neere, la a wilg-f sor f sẽn maandã pʋgẽ. (Luk 11:13) Wilg f Biibl karen-biisã b sẽn tõe n pʋʋs to-to, la f sagl-b tɩ b maan rẽ. Pʋʋsd f Biibl karen-biig fãa yĩnga, la f naagd-b tɩ y pʋʋsdẽ. Pʋʋsgã pʋgẽ, bɩ f pʋt a yʋʋrã.

GES-Y VIDEO WÃ: D SÃ N SÕNGD NEBÃ TƖ B LEBGD KAREN-BIISI, D PAAMDA SŨ-NOOGO: D SAK A ZEOVA SÕNGRÃ: PƲƲSGÃ. RẼ POOR BƖ Y LEOK SOGSGÃ:

• A Liza ne a Zan Biiblã zãmsgã pʋgẽ, zu-loe-bʋg la a Liza paam-yã?

• Wãn to la 1 Korẽnt rãmb 3:6 sõng a Liza?

• A Liza zu-loɛɛgã welga wãn to?