Sõng-y neb nins y sẽn zãmsd Biiblã tɩ b tõog n bas b minim-wẽnsã

Yaa neb nins bal sẽn tar yel-manesem sẽn yaa sõma wã n tõe n paam zood sẽn yaa sõma ne a Zeova. (1 Pɩy. 1:14-16) Y Biibl karen-biisã sã n wa maood n na n bas b minim-wẽnsã, b na n tõogame me n paam sũ-noog b zakã pʋgẽ, yĩns laafɩ, la b tõog n kẽgs ligdi.

Bilg-y Biibl karen-biigã a Zeova sẽn dat tɩ d yel-manesem yɩ to-to wã vẽeneg-vẽenega, noy nins a sẽn kõ rẽ wɛɛngẽ wã võore, la no-kãens tũub sẽn nafd tõnd to-to wã. Sẽn yɩɩd fãa sõng-y Biibl karen-biigã t’a toeem a sẽn tagsd to-to wã, tɩ rẽ n na n sõng t’a wa tõog n maand a Zeova sẽn datã. (Efɛ. 4:22-24) Sõng-y-yã-a t’a bas a yam tɩ ne a Zeova sõngre, a tõe n basa minim-wẽng a sẽn tar hal sẽn kaoose. (Fili. 4:13) Wilg-y-yã-a t’a yamã sã n wa be wẽng maanego, bɩ a pʋʋs a Zeova ne pẽdgre. Sõng-y-yã-a t’a bãng yɛl nins sẽn tõe n wa kɩt t’a lʋɩ makr pʋgẽ, la a sẽn tõe n maan to-to n gil-ba. Sagl-y-yã-a t’a ledg a minim-wẽnsã ne bũmb toor-toor maaneg sẽn na n naf-a. Y sã n neẽ tɩ y Biibl karen-biigã tõogd n toeemda bũmb kẽer a vɩɩmã pʋgẽ ne a Zeova sõngre, na n kõ-y-la sũ-noogo.

GES-Y VIDEO WÃ: SÕNG-Y NEB NINS Y SẼN ZÃMSD BIIBLÃ TƖ B TÕOG N BAS B MINIM-WẼNSÃ. RẼ POOR BƖ Y LEOK SOGSGÃ:

• 

  Wãn to la kãsem-dãmbã ne a Liza wilg tɩ b tara bas-m-yam t’a Zan na n tõog n basa a minim-wẽngã?

• 

  Bõe la a Liza maan n sõng a Zan n paase?

• 

  Wãn to la a Zan bao a Zeova sõngre?