Zãms-y y Biibl karen-biisã b sẽn tõe n bɩɩs b tẽebã to-to

Tõnd sẽn zãmsd Biibl-karen-biisã bũmb ninsã sẽn yãk b toogo, b tog n zãmsa bũmb a taab me n paase, sẽn na yɩl n bãng a Zeova la b lebg kiris-neb tẽeb sẽn bɩ. (Mat. 5:3; Ebre. 5:12–6:2) Sẽn paase, b segd n zãmsa b sẽn tõe n bɩɩs b tẽebã to-to.

Biiblã zãmsg sɩngrẽ bala, wilg f Biibl karen-biigã a sẽn tõe n segl a meng to-to zãmsgã yĩnga, la f sagl-a t’a maand woto. (mwb18.03 6) Sagl-a t’a sã n na n zãms Biiblã a ye fãa bɩ a reng n pʋʋs n yaool n sɩnge. Sõng-a t’a paam Biiblã zãmsg tʋʋmd-teed nins b sẽn yiis tɩ be tõnd sɩtã pʋgẽ wã, la f wilg-a a sẽn tõe n tall-b n tʋm to-to. Wilg-a a sẽn tõe n maan to-to n paamd bõn-paalã b sẽn yiisd jw.org pʋgẽ, la JW Teledifiziyõ pʋgẽ wã. Sõng-a bilf-bilf t’a wa karemd Biiblã daar fãa, n segend a meng tigissã yĩnga, la a maand vaeesg n baood a sogsgã leoore. Sõng-a t’a bʋgsd bũmb nins a sẽn bãngdã zugu.

GES-Y VIDEO WÃ: SÕNG-Y NEB NINS Y SẼN ZÃMSD BIIBLÃ TƖ B . . . MODG N BƖƖSD B TẼEBÃ. RẼ POOR BƖ Y LEOK SOGSGÃ:

• 

  Wãn to la a Liza sõng a Zan t’a bãng tɩ Biiblã zãmsgã pa tek bãng sogsgã leoor bala?

• 

  Bõe n sõng a Zan t’a kɩs sɩd t’a Zeova sẽn gɩdg yoobã yaa bũmb sẽn zemse?

• 

  Bõe la a Zan wa n bãng bʋgsgã wɛɛngẽ?