Zu-loɛɛg buud fãa tara tɛka

Zu-loeesã tõe n komsa d raood nana-nana, sẽn yɩɩd fãa b sã n kaoosdame. A Davɩɩd ra miime tɩ namsg ning rĩm a Sayull sẽn kɩt t’a paamdẽ wã na n wa saame, la t’a na n wa lebga rĩm wa a Zeova sẽn pʋlmã. (1 Sãm. 16:13) A Davɩɩd tẽebã sõng-a lame t’a tall sũ-mare, n gũ t’a Zeova wa toeem yɛlã.

D sã n wa maood ne zu-loɛɛga, tõe tɩ d na n tõog n tũnuga ne d minimã, d yamã la d bãngrã, n welg-a. (1 Sãm. 21:13-15; Yel. 1:4) La zu-loees kẽer toeeme n pa sa, baa d sã n maana d sẽn tõe fãa tɩ zems ne Biiblã noyã la a saglsã. Sã n wa yaa woto, d segd n talla sũ-mare, n gũ a Zeova. Ka la bilfu, a na n kɩtame tɩ zu-loeesã fãa sa, la a ‘yẽes nintãm fãa’ tõnd ninẽ. (Vẽn. 21:4) A Zeova sã n maan bũmb tɩ d paam yolsgo, pa rẽ bɩ yaa bʋʋm a taab yĩng la d paam yolsgo, bũmb a ye n yaa vẽenega: Zu-loɛɛg buud fãa tara tɛka. D sẽn mi rẽ wã tõe n belsa tõndo.

GES-Y VIDEO WÃ: NIN-BUIID SẼN ZEMSD TAABA, DŨNI SẼN WELG PƲGẼ. RẼ POOR BƖ Y LEOK SOGSGÃ:

• Zu-loe-bʋs la d tẽed-n-taas kẽer sẽn be Etazĩni soolmã nug rɩtgã mao ne?

• Bõe la b maan n wilg tɩ b tara sũ-mare, la tɩ b nonga taaba?

• Wãn to la b ra ket n maand “bũmb nins sẽn tar yõod n yɩɩdã”?—Fili. 1:10