D WILG TƖ D YAA KIRIS-NEB HAKƖƖKA
A Zeova sõngda tõnd d zu-loeesã sasa
Tõnd sẽn be yaoolem wakatã, d maooda ne zu-loe-kɛgems wʋsgo. Sasa ninga, d tõe n tagsdame tɩ d zu-loeesã yaa kɛgems wʋsgo, tɩ d pa tõe n mao ne-b ye. La d sã n ket n pẽnegd a Zeova, a na n sõnga tõnd tɩ d tõog toogo, baa zu-loe-kɛgems n tɩ yɩɩda sasa. (Eza. 43:2, 4) Wãn to la d tõe n pẽneg a Zeova zu-loeesã sasa?
Pʋʋsgã. D sã n peleg d pʋg n togs a Zeova sẽn be d sũurẽ, a kõta tõnd sũur pʋgẽ bãane, la pãnga, tɩ d tõog toogo.—Fili. 4:6, 7; 1 Tes. 5:17.
Tigissã. Yaa tɩlɛ tɩ d paam n naag d tẽed-n-taasã la d paam zãmsg ning a Zeova sẽn kõt tõnd tigissã sasa wã masã meng n yɩɩd pĩnda. (Ebre. 10:24, 25) D sã n segend d mens tigissã yĩnga, n kẽnda la d zẽk d nus n kõt leoore, d paamda a Zeova vʋʋsem sõngã sõngre.—Vẽn. 2:29.
Koɛɛgã moonego. D sã n maan d sẽn tõe fãa n ket n moond koɛɛgã n pa vaandẽ, na n yɩɩ nana ne tõnd tɩ d tall yam-sõngo. Sẽn paase, na n sõngame tɩ tõnd ne a Zeova la d tẽed-n-taasã zoodã pãng paase.—1 Kor. 3:5-10.
GES-Y VIDEO WÃ: A ZEOVA NA REEG YÃMBA. RẼ POOR BƖ Y LEOK SOGSGÃ:
Bõe n sõng a Malu t’a kell n pẽneg a Zeova a zu-loeesã sasa?
Wa a Malu, wãn to la goam nins sẽn be Yɩɩn-sõamyã 34:19 wã pʋgẽ tõe n bels tõnd d zu-loeesã sasa?
Wãn to la a Malu kibarã wilgd tõnd t’a Zeova kõta tõnd “pãng ning sẽn yɩɩd ninsaal rẽndã” d zu-loeesã sasa?—2 Kor. 4:7