Kãadem: Tũud-n-taar sẽn segd n kaoos neb a yiibã yõor tɛka

Kiris-neb kãadem sã n yaa sõma, waoogda a Zeova, la kɩtdẽ tɩ pagã ne a sɩdã tar sũ-noogo. (Mark 10:9) Kiris-ned sã n dat t’a kãadem kaoose, la a paam sũ-noog a kãadmã pʋgẽ, a segd n tũu Biiblã noyã la a saglsã, a sã n wa baood ned n na n kẽ kãadem.

Yɩta sõma tɩ y ra bao n kẽ kãadem, y sã n ket n “yaa yãaga,” bala y yĩngã tʋlsem tõe n kɩtame tɩ y pa bãng n yãk yam ye. (1 Kor. 7:36) Yɩta sõma tɩ y sẽn ket n nan pa kẽ kãadmã, bɩ y bao n paas yãmb ne a Zeova zoodã pãnga, la y bɩɩs zʋg-sõma. Rẽ na n sõng-y-la wʋsgo, tɩ y kãadmã yɩ sõma.

Nand tɩ y yãk yam n na n kẽ kãadem ne neda, bɩ y bao n bãng “bũmb ning sẽn be sũurẽ wã.” (1 Pɩy. 3:4) Y sã n maanda sãmbs wʋsg a soabã zug yɛl kẽer wɛɛngẽ, bɩ y bao n sõs ne-a yel-kãens zugu. Kãadmã wɛɛngẽ me, y segd n tagsda yãmb sẽn na n kõ y to wã bũmb ningã yell n yɩɩda, la pa yãmb sẽn na n paam bũmb ningã ye. (Fili. 2:3, 4) Y sã n tũud Biiblã noyã la a saglsã nand tɩ y kẽ kãadem, y na n tõog n kell n maana woto y kãadmã poore, la y na n paama sũ-noogo.

GES-Y VIDEO WÃ: SEGL-Y Y MENG KÃADMÃ YĨNGA—BABG A 3: ‘RENG N GEELG N GESE.’ RẼ POOR BƖ Y LEOK SOGSGÃ:

• Saam-bi-poakã ne a Luk zoodã ra yaa wãn-wãna?

• A sẽn wa n bãng a Luk sõma n paasã, bõe la a yã-yã?

• Wãn to la a roagdbã sõng-a? Bõe me la a yãk yam n na n maan tɩ yaa sõma?