Tall-y raoodo, y sã n wa n maood ne ligd zu-loeese

D sẽn vɩ yaoolem wakatã, d vɩɩmã pida ne zu-loees wʋsgo. Dũniyã saabã sẽn kolgdã, zu-loeesã na n tara paasgo. Wakat ninga, tõe n yɩɩ toog tɩ d paam bũmb kẽer sẽn yaa tɩlɛ ne-do. (Hab. 3:16-18) Bõe n tõe n sõng-d tɩ d tall raoodo, d sã n wa maood ne ligd zu-loeese? D segd n kell n teega a Zeova sẽn yaa d Wẽnnaamã. A pʋlmame t’a na n gesa a nin-buiidã yelle, la a sɩd tõe n maana rẽ, sẽn yaa yell ning fãa pʋgẽ.—Yɩɩn. 37:18, 19; Ebre. 13:5, 6.

Y sẽn tõe n maane:

• Kos-y-yã a Zeova t’a wilg-y sore, n kõ-y yam, la a sõng-yã.—Yɩɩn. 62:9.

• Sak-y n tʋm-y tʋʋm nins y sẽn nan zɩ n tʋmã.—g 1/10 8-9, zĩ-gũbã

• Maand-y bũmb nins sẽn paasd y tẽebã pãngã. Wala makre, Wẽnnaam Gomdã kareng daar fãa, tigissã kẽnde, la koɛɛgã moonego

GES-Y VIDEO WÃ: WUB-Y Y KAMBÃ TƖ B WA TÕOG TOOGO—‘MAAND-Y SŨ-NOOG NE BŨMB NINS Y SẼN TARÃ.’ RẼ POOOR BƖ Y LEOK SOGSGÃ:

• Zu-loe-bʋs la zags rãmb kẽer mao ne?

• Bõe n tar yõod n yɩɩd vɩɩmã pʋgẽ?

• Wãn to la d tõe n sõng neb nins sẽn maood ne ligd zu-loeesã?