Yãmb tʋmda ne Biiblã b sẽn karem tɩ b rɩkã sõma bɩ?

Biiblã b sẽn karem tɩ b rɩkã yaa bõe? Yaa Dũni-paalgã lebgrã b sẽn lebs n manegã la b karem tɩ b rɩke. B yiisd-a-la bilf-bilfu, buud-goam wʋsg pʋgẽ. Bũmb sẽn yaa sõma wʋsg Biiblã b sẽn karem tɩ b rɩkã pʋgẽ, yaa tɩ b yãka neb toor-toor tɩ b ned kam fãa karemd nin-yɛng goama. B karemda goamã tɩ zems ne yɛlã sẽn yaa to-to wã, sẽn na yɩl tɩ d wʋm Biiblã koɛɛgã võor sõma. Wala makre, a soabã sã n gomda ne sũ-noog wall ne sũ-yikri.

Wãn to la neb kẽer dɩt Biiblã b sẽn karem tɩ b rɩkã yõodo? Neb wʋsg sẽn minim n kelgd Biiblã b sẽn karem tɩ b rɩkã sũur nooma ne a sẽn paasd Wẽnnaam Gomdã pãng to-to wã. B getame tɩ b sẽn yãk neb toor-toor tɩ ned kam fãa karemd nin-yɛng goamã sõngd-b lame tɩ b tõe n mams yɛlã sẽn yɩ to-to wã vẽenega, la b maneg n wʋm bũmb ning sẽn gʋlsã võor sõma. (Yel. 4:5) Neb wʋsg yãame tɩ b sã n kelgd Biiblã b sẽn karem tɩ b rɩkã b sẽn wat n maand yɩɩr sasa, belsd-b lame.—Yɩɩn. 94:19.

D sã n kelgd Wẽnnaam Gomdã, tõe n nafa tõnd wʋsgo. (2 Kib. 34:19-21) Biiblã b sẽn karem tɩ b rɩkã tõrã bɩ a bɛk sã n bee buud-gomd y sẽn wʋmd pʋgẽ, rẽ yĩnga y pa tõe n modg n kelgd-a wakat fãa sɩda?

GES-Y VIDEO WÃ: B SẼN MAAND BIIBLÃ B SẼN KAREM TƖ B RƖKÃ TO-TO—B SẼN KƲRGE. RẼ POOR BƖ Y LEOK SOKRÃ:

Bõe n noom yãmb b sẽn maand Biiblã b sẽn karem tɩ b rɩkã to-to wã wɛɛngẽ?