D WILG TƖ D YAA KIRIS-NEB HAKƖƖKA
D rɩk a Zeova togs-n-taare, nonglem hakɩɩkã wɛɛngẽ
A Zeova kõta mak-sõng sẽn ka to nonglem hakɩɩkã wɛɛngẽ. (Yɩɩn. 103:11) Nonglem hakɩɩkã pa nonglem sẽn kaoosd wakat bilf bal ye. Yaa nonglem sẽn tar pãnga, la sẽn kaoosde. A Zeova maana bũmb toor-toor Israyɛll nebã yĩnga, n wilg t’a ra nong-b-la ne nonglem hakɩɩka. A yiis-b-la yembd Ezɩpti, n tall-b n kẽng kãabg tẽngẽ wã. (Yɩɩn. 105:42-44) A Zeova zabame n sõng a nin-buiidã. Naoor ka tɛk me, a kõo Israyɛll nebã sugr b beegrã yĩnga. (Yɩɩn. 107:19, 20) D sã n ‘maag d yĩng n tags a Zeova maan-neerã tʋʋm yelle,’ na n kɩtame tɩ d rat n dɩk a togs-n-taare.—Yɩɩn. 107:43.
GES-Y VIDEO WÃ: “TAGS BÕN-KÃENS FÃA YELLE, N WƲM A ZEOVA NONGLMÃ VÕORE.” RẼ POOR BƖ Y LEOK SOGSGÃ:
Wãn to la d tõe n wilg d taabã tɩ d nong-b-la ne nonglem hakɩɩka?
Bõe yĩng tɩ wilg tɩ d nonga d taabã ne nonglem hakɩɩkã baood tɩ d sakd n mongd d meng bũmb kẽere?