Watchtower SƐB VAEESG ZĨIGA
Watchtower
SƐB VAEESG ZĨIGA
Moore
  • BIIBLE
  • SƐBA
  • TIGISSÃ
  • w20 Sig-noy kiuugu s.n. 8-11
  • Rĩm-dãmb sẽn wagsd taab saabã wakate

Video pa be zĩ-kãngã ye.

Video wã pa tõog n yi ye.

  • Rĩm-dãmb sẽn wagsd taab saabã wakate
  • Gũusg Gasgã moonda a Zeova Rĩungã (Zãmsgã rẽnda)—2020
  • Bũmb sẽn wõnd woto
  • “Rɩtg rĩmã,” saabã wakate
    Gũusg Gasgã moonda a Zeova Rĩungã (Zãmsgã rẽnda)—2020
  • A Zeova wilgda bũmb ning sẽn na n zi̇̃nd ka la bilfã
    Gũusg Gasgã moonda a Zeova Rĩungã—2012
  • Ãnd la “rɩtg rĩmã” rũndã-rũndã?
    Gũusg Gasgã moonda a Zeova Rĩungã (Zãmsgã rẽnda)—2020
  • Vẽnegr sebrã: A goamã võor yaa bõe ne Wẽnnaam bɛɛbã?
    Gũusg Gasgã moonda a Zeova Rĩungã (Zãmsgã rẽnda)—2022
Bũmb a taaba
Gũusg Gasgã moonda a Zeova Rĩungã (Zãmsgã rẽnda)—2020
w20 Sig-noy kiuugu s.n. 8-11

Rĩm-dãmb sẽn wagsd taab saabã wakate

Bãngr-goam nins sẽn be zĩ-gũb-kãngã pʋgẽ wã bilgda yɛl sẽn pidsd wakat yɛnga. B fãa wilgdame tɩ d vɩɩ ‘yaoolem wakatã.’—Dãn. 12:4.

Zĩ-gũbr sẽn wilgd bãngr-goama, la rɩtg rĩmã ne goabg rĩmã sẽn yaa b rãmba, sẽn sɩng ne yʋʋmd 1870 wã n tãag masã.
  • Zĩ-gũbrã pipi babgã, sẽn wilgd bãngr-goam sẽn naag taab n pidsd saabã wakate, sẽn sɩng ne yʋʋmd 1870 n tãag yʋʋmd 1918. B bãngame tɩ saabã wakat sɩnga yʋʋmd 1914 tɛka. Bãngr-gomde, pipi soaba: We-rũng sẽn tar zut a yopoe, sẽn sɩng pukr tɩ pipi yʋʋmdã b sẽn wilg zĩ-gũbrã zugã nan pa ta ye. We-rũng sẽn tar zut a yopoe wã paama sãmpogr dũni gil pipi zabrã sasa. Yʋʋmd 1917 tɛka, zug a yopoe soabã sãmpogr maagame t’a le paam pãnga. Bãngr-gomd a yiib-n-soaba: B tõe n bãnga rɩtg rĩmã ne goabg rĩmã sẽn yaa b rãmb yʋʋmd 1870 wã. Rɩtg rĩmã leb n puka yʋʋmd 1871 wã. Lebga Alemayn. Pipi wã, goabg rĩmã ra yaa Gãrãnd Bertayn, la yʋʋmd 1917 wã, lebga Gãrãnd Bertayn ne Etazĩni sẽn naag taab n yaa dũni gill pãn-soaadã. Bãngr-gomd a tãab-n-soaba: Yʋʋmd 1870 tɛkã, b bãngame t’a Charles Russell ne a tʋmd-n-taasã la ‘koe-togsdã’. Yʋʋmd 1880 wã sɩngrẽ, Le Phare de la Tour de Sion wã pʋgẽ, b ra yeta karemdbã tɩ b moon koe-noogã. Bãngr-gomd a naas-n-soaba: Yʋʋmd 1914 tɛka, yɩɩ tigsgã wakate. B baka nadensã ne ki wã. Bãngr-gomd a nu soaba: Yʋʋmd 1917 tɛkã, naoã sẽn maan ne kut la yagdã pukame. Ad b sẽn bilg zĩ-gũbrã pʋgẽ me: Yɛl nins sẽn sɩng ne yʋʋmd 1914 n tãag yʋʋmd 1918 sẽn yɩ dũni gill pipi zabrã wakatã. Yɛl sẽn paam a Zeova nin-buiidã: Sẽn sɩng ne yʋʋmd 1914 n tãag yʋʋmd 1918 wã, b paga Biiblã Zãmsdbã bãens roog Gãrãnd Bertayn ne Alemayn. Yʋʋmd 1918 wã, b paga siglgã taoor lʋɩtb sẽn be Etazĩni wã bãens roogo.
    Bãngr-gomd pipi soaba.

    Vɛrse-rãmba Vẽn. 11:7; 12:13, 17; 13:1-8, 12

    Bãngr-gomdã ‘We-rũngã’ rɩta naam tẽngã zug sẽn yɩɩd yʋʋm 3 000. Saabã wakate, we-rũngã zug a yopoe soabã paama sãmpog-kãsenga. Rẽ poore, sãmpogrã maagame, tɩ “nebã fãa sẽn be tẽngã zugã” pʋg we-rũngã. A Sʋɩtãan tũnuga ne we-rũngã n maan “zabr ne pagã kamb nins sẽn ketã.”

    Pidsgã Sa-kãsengã poore, ninsaalbã goosneema-rãmb sẽn maand beem ne a Zeova n puki. Yʋʋm kobs poore, dũni gill pipi zabrã sasa, Gãrãnd Bertayn soolmã pãng komsa wʋsgo. La a sẽn tɩ lagem ne Etazĩni wã, a le paama pãnga. Saabã wakate, a Sʋɩtãan tũnugda ne a dũniyã goosneema-rãmbã fãa n zabd ne Wẽnnaam nin-buiidã.

  • Bãngr-gomd a yiib-soaba.

    Vɛrse-rãmba Dãn. 11:25-45

    Bãngr-gomdã Rɩtg rĩmã ne goabg rĩmã sẽn wagsd taab saabã wakatã.

    Pidsgã Alemayn wagsda ne Gãrãnd Bertayn la Etazĩni sẽn naag taabã, naamã poorẽ. Yʋʋmd 1945 wã, Iniyõ Sovietik ne a poorẽ dãmbã lebga rɩtg rĩmã. Yʋʋmd 1991 wã, Iniyõ Sovietik lʋɩɩme, tɩ Risi ne a poorẽ dãmbã wa lebg rɩtg rĩmã.

  • Bãngr-gomd a tãab-n-soaba.

    Vɛrse-rãmba Eza. 61:1; Mal. 3:1; Luk 4:18

    Bãngr-gomdã A Zeova tʋma a ‘koe-togsdã’ t’a wa “maneg sore,” tɩ Mesi Rĩungã yaool n lugli. Koe-togsd kãng ‘togsa koe-noogã naong rãmbã.’

    Pidsgã Yʋʋmd 1870 tɛka, a Charles Russell ne a tʋmd-n-taasã modga wʋsgo, n na n wilg Biiblã sẽn sɩd yetã võore. Yʋʋmd 1880 wã tɛka, b sɩngame n wilgd vẽeneg tɩ yaa tɩlɛ tɩ Wẽnnaam nin-buiidã moon koe-noogã. B yiisa sɛb gom-zut sẽn yaa: “D rata koe-moondb 1 000” ne “B paama vʋʋsem sõngã zaeeb koɛɛgã mooneg yĩnga.”

  • Bãngr-gomd a naas-n-soaba.

    Vɛrse-rãmba Mat. 13:24-30, 36-43.

    Bãngr-gomdã Bɛ n wa n kẽ ki wã sʋk n bʋd nadense. B basa nadensã tɩ b bɩ n lim ki wã hal tɩ ta tigsgã wakate. Yaa sasa kãng masã la b welg nadensã ne ki wã n bake.

    Pidsgã Yʋʋmd 1870 wã tɛka, b sɩngame n bãngd kiris-neb hakɩɩkã n welg ne kiris-neb ne yʋʋrã. Saabã wakate, b tigsa kiris-neb hakɩɩkã toore, n welg ne kiris-neb ne yʋʋrã.

  • Bãngr-gomd a nu soaba.

    Vɛrse-rãmba Dãn. 2:31-33, 41-43.

    Bãngr-gomdã Bõn-naandgã sẽn maan ne bũmb toor-toorã naoã bɛk yaa kutu, tɩ bɛk yaa yagdo.

    Pidsgã Yagdã makda nin-buiidã sigls toor-toor sẽn be Gãrãnd Bertayn ne Etazĩni soolmã pʋgẽ n kɩɩsd b goosneema-rãmbã. Sigl-kãens kɩɩsgã kɩtame tɩ b pa tõe n weoog nin-buiidã wa b sẽn datã ye.

  • Zĩ-gũbrã babg a yiib-n-soaba, sẽn wilgd bãngr-goam sẽn naag taab n pidsd saabã wakate, sẽn sɩng ne yʋʋmd 1919 n tãag yʋʋmd 1945. Alemayn n yɩ rɩtg rĩmã, hal n tãag yʋʋmd 1945 wã. Gãrãnd Bertayn ne Etazĩni sẽn naag taab n yaa dũni gill pãn-soaadã n yaa goabg rĩmã. Bãngr-gomd a 6 soaba: Yʋʋmd 1919 wã, b tigma sẽn paam-b zaeebã kiris-neb tigingã b sẽn yɩlgã pʋgẽ. Yʋʋmd 1919 tɛka, koɛɛgã mooneg pãng paasame, n ket n kẽngd taoore. Bãngr-gomd a 7 soaba: Yʋʋmd 1920 wã, b lugla Sosiete dɛ nasiõ wã, sẽn kell n pa n tãag dũni gill zabr a yiib-soabã sɩngrẽ wã. Ad b sẽn bilg zĩ-gũbrã pʋgẽ me: Bãngr-gomde, pipi soaba: We-rũng sẽn tar zut a yopoe wã ket n beeme. Bãngr-gomde, 5 soaba: Nao sẽn maan ne kut la yagdã ket n beeme. Dũniyã yɛla, yʋʋmd 1939 n tãag 1945 sẽn yɩ dũni gill zabr a yiib-n-soabã wakatã. Yɛl sẽn paam a Zeova nin-buiidã: Yʋʋmd 1933 n tãag 1945, b yõga  Kaset rãmb sẽn yɩɩd bãmb 11 000 n kẽes bãens roog Alemayn tẽngã. Yʋʋmd 1939 n tãag 1945, b kẽesa Kaset rãmb sẽn kolg bãmb 1 600 bãens roog  Gãrãnd Bertayn. Yʋʋmd 1940 n tãag 1944, yaa sẽn yɩɩd naoor 2 500 la kʋʋng pig Kaset rãmbã, Etazĩni soolmẽ wã.
    Bãngr-gomd a 6 soaba.

    Vɛrse-rãmba Mat. 13:30; 24:14, 45; 28:19, 20.

    Bãngr-gomdã B tigsa “ki” wã “baoorẽ wã”, la b yãk “tʋm-tʋmd sẽn tũud sɩd la sẽn tar yamã” t’a ges “zakã rãmb yelle.” B sɩnga ‘Rĩungã koe-noogã’ mooneg tɩ tat “dũniyã tɛk fãa.”

    Pidsgã Yʋʋmd 1919 wã, b yãka tʋm-tʋmd sẽn tũud sɩdã t’a ges Wẽnnaam nin-buiidã yelle. Wakat kãng tɛka, Biiblã Zãmsdbã koe-moonegã pãng talla paasgo. Rũndã-rũndã, a Zeova Kaset rãmbã moonda koɛɛgã sẽn yɩɩd tẽns 200 pʋsẽ, la b yiisd sɛb la bũmb toor-toor sẽn tik Biiblã zug sẽn yɩɩd buud-goam 1000 pʋgẽ.

  • Bãngr-gomd a 7 soaba.

    Vɛrse-rãmba Dãn. 12:11; Vẽn. 13:11, 14, 15.

    Bãngr-gomdã We-rũng sẽn tar yɩɩl a yiib n kɩt tɩ b naan ‘bõn-naandg n wõneg we-rũngã,’ la a kõ “we-rũngã bõn-naandgã vɩɩm vʋʋsem.”

    Pidsgã Gãrãnd Bertayn ne Etazĩni sẽn naag taab n yaa dũni gill pãn-soaadã, kɩtame tɩ b lugl Sosiete dɛ nasiõ. Tẽns a taab n wa n naag Sosiete dɛ nasiõ wã. Rɩtg rĩmã me wa n naaga Sosiete dɛ nasiõ wã, la yɩɩ yʋʋmd 1926 n tãag yʋʋmd 1933 bala. Wa Nasiõzĩni wã sẽn wa ledg-a wã, Sosiete dɛ nasiõ wã reega waoogr ning Wẽnnaam Rĩungã bal sẽn segd ne wã.

  • Zĩ-gũbrã babg a tãab-n-soabã, sẽn wilgd bãngr-goam sẽn naag taab n pidsd saabã wakate, sẽn sɩng ne yʋʋmd 1945 n tãag 1991. Iniyõ Sovietik ne a poorẽ dãmbã n yɩ rɩtg rĩmã, n tãag yʋʋmd 1991. Rẽ poore, lebga Risi ne a poorẽ dãmbã. Gãrãnd Bertayn ne Etazĩni sẽn naag taab n yaa dũni gill pãn-soaadã n yaa goabg rĩmã. Bãngr-gomd a 8 soaba: Bõmb atomik pusgr sẽn wilgd Gãrãnd Bertayn ne Etazĩni sẽn wa ne sãoon-kãseng ningã. Bãngr-gomd a 9 soaba: B lugla Nasiõzĩni yʋʋmd 1945 t’a ledg Sosiete dɛ nasiõ wã. Ad b sẽn bilg zĩ-gũbrã pʋgẽ me: Bãngr-gomde, pipi soaba: We-rũng sẽn tar zut a yopoe wã ket n beeme. Bãngr-gomde, 5 soaba: Nao sẽn maan ne kut la yagdã ket n beeme. Bãngr-gomde, 6 soaba: Yʋʋmd 1945 wã, koe-moondbã sõor yɩɩda 156 000. Yʋʋmd 1991 wã, koe-moondbã sõor yɩɩda 4 278 000. Yɛl sẽn paam a Zeova nin-buiidã: Yʋʋmd 1945 n tãag yʋʋmd 1951 wã, b yõga Kaset rãmb bãmb tusa Iniyõ Sovietik n tall n kẽng Siberi.
    Bãngr-gomd a 8 soaba.

    Vɛrse-rãmba Dãn. 8:23, 24.

    Bãngr-gomdã Rĩm sẽn yaa tɩta-ned n wa “ne sãoong-kãsenga.”

    Pidsgã Gãrãnd Bertayn ne Etazĩni sẽn naag taab n yaa dũni gill pãn-soaadã varga neb wʋsgo, la b wa ne sãoong-kãsenga. Wala makre, dũni gill zabr a yiib-n-soabã sasa, Etazĩni loba bõmb atomik rãmb a yi tɩ pusg tẽng a ye sẽn yaa b bɛ soolmẽ, tɩ wa ne sãoong buud sẽn zɩ n zĩndi.

  • Bãngr-gomd a 9 soaba.

    Vɛrse-rãmba Dãn. 11:31, Wẽnnaam Sebre, 1983; Vẽn. 17:3, 7-11

    Bãngr-gomdã We-rũng sẽn yaa “miuugu,” n tar yɩɩl piigã yii bog-zulungã pʋgẽ. Yaa rĩm a nii soaba. A Dãniyɛll sebrã gomda we-rũng sẽn yaa miuugã yelle, n yetẽ t’a yaa ‘sãoong bõn-wẽngã.’

    Pidsgã Dũni gill zabr a yiib-n-soabã sasa, Sosiete dɛ nasiõ wã lʋɩɩme, n pa le tõe n maan bũmb ye. Zabrã poore, Nasiõzĩni wã la b lugl-yã. Wa Sosiete dɛ nasiõ wã sẽn deng yẽ wã, Nasiõzĩni wã me reega waoogr ning Wẽnnaam Rĩungã sẽn segd ne wã. Nasiõzĩni wã na n wa zaba ne tũudmã.

  • Zi-gũbrã babg a 4 soabã, sẽn wilgd bãngr-goam sẽn naag taab n pidsd saabã wakate, sẽn sɩng ne rũndã n tɩ tãag Armagedõ. Risi ne a poorẽ dãmbã n yaa rɩtg rĩmã. Gãrãnd Bertayn ne Etazĩni sẽn naag taab n yaa dũni gill pãn-soaadã n yaa goabg rĩmã. Bãngr-gomd 10 soaba: Dũniyã nanambsã na n mooname n yeel tɩ ‘laafɩ la bãane.’ Rẽ poore, to-kãsengã na n sɩngame. Bãngr-gomd 11 soaba: Tẽnsã na n yika zabr ne ziri tũudmã siglsi. Bãngr-gomd 12 soaba: Goosneema-rãmbã na n yika zabr ne Wẽnnaam nin-buiidã. B na n tigma sẽn paam-b zaeeb n ket tẽng zugã saasẽ. Bãngr-gomd 13 soaba: Armagedõ. Sẽn zao-a wed-mo-pɛɛlgã na n baasa a tõogrã. B na n sãama we-rũng sẽn tar zut a yopoe wã; B bõgsa bõn-naandg kãsengã nao sẽn maan ne kut la yagdã, t’a sãam zãnga. Ad b sẽn bilg zĩ-gũbrã pʋgẽ me: Bãngr-gomde, pipi soaba: We-rũng sẽn tar zut a yopoe wã ket n beeme, n tãag Armagedõ. Bãngr-gomde, 5 soaba: Nao sẽn maan ne kut la yagdã ket n beeme, n tãag Armagedõ. Bãngr-gomde, 6 soaba: Rũndã-rũndã, koe-moondbã sõor yɩɩda 8 580 000. Yɛl sẽn paam a Zeova nin-buiidã: Yʋʋmd 2017, Risi tẽngã taoor dãmbã kɩtame tɩ b yõg a Zeova Kaset rãmb n page, la b la b reeg b filiyallã roto.
    Bãngr-gomd 10 ne 11 soaba.

    Vɛrse-rãmba 1 Tes. 5:3; Vẽn. 17:16

    Bãngr-gomdã Tẽnsã na n moona “laafɩ la bãanã.” Rẽ poore, “yɩɩl piigã” ne “we-rũngã” na n zaba ne “pʋg-yoodrã,” n sãam-a zãnga. Rẽ fãa poor la sãoong na n wa tẽnsã zutu.

    Pidsgã Tẽnsã na n yeelame tɩ b tõogame tɩ laafɩ la bãan beẽ. Rẽ poore, tẽns nins sẽn teend Nasiõzĩni wã na n sãama tũudmã siglsi. Yaa rẽ la to-kãsengã sɩngre. To-kãng na n baasa ne a Sʋɩtãan dũniyã sãoong Armagedõ.

  • Bãngr-gomd 12 soaba.

    Vɛrse-rãmba Eze. 38:11, 14-17; Mat. 24:31

    Bãngr-gomdã Goog na n yãmba Wẽnnaam nin-buiidã tẽngã. Rẽ poore, malɛgsã na n tigma Wẽnnaam “nin-tũusdsã.”

    Pidsgã Rɩtg rĩmã na n naaga dũniyã goosneema-rãmb a taabã, n zab ne Wẽnnaam nin-buiidã. Zab-kãng sɩngrã poor bilfu, b na n tigma sẽn paam-b zaeebã tɩ b kẽng saasẽ.

  • Bãngr-gomd 13 soaba.

    Vɛrse-rãmba Eze. 38:18-23; Dãn. 2:34, 35, 44, 45; Vẽn. 6:2; 16:14, 16; 17:14; 19:20

    Bãngr-gomdã Sẽn zao-a ‘wed-mo-pɛɛlgã’ na n ‘baasa a tõogrã,’ n sãam a Goog ne a tãb-biisã. B na n loba “we-rũngã mogrã sẽn dɩt bugum ne kidbrã pʋgẽ”, tɩ kugr wa wẽ bõn-naandg kãsengã n bõgse.

    Pidsgã A Zeezi sẽn yaa Wẽnnaam Rĩungã Rĩm sẽn dɩt naamã na n wa fãaga Wẽnnaam nin-buiidã. A Zeezi ne a na-rɩt-n-taas 144 000 n paas a malɛgsã na n sãama tẽnsã sẽn na n sũ taab n zab ne Wẽnnaam nin-buiidã. Rẽ n na n yɩ a Sʋɩtãan dũniyã sãoongo.

    Moorã Sɛba (1991-2025)
    Pag-y
    Pak-y
    • Moore
    • Toole
    • Y sẽn date
    • Copyright © 2025 Watch Tower Bible and Tract Society of Pennsylvania
    • Y sẽn segd n sake
    • Noy d sẽn tũudi
    • Paramètres de confidentialité
    • JW.ORG
    • Pak-y
    Toole