Wẽnnaam geta yãmb yelle
BIIBLÃ yaa sebr sẽn yit Wẽnnaam nengẽ, t’a saglsã ka to ye. Biiblã pa logtoeemd sebr ye. La a tõe n sõng-d lame tɩ d mao ne zu-loees toor-toore, wala makre, sũ-sãamse, d sã n wa pa le tõe n tags sõma, sũ-pa-noanga, la bãag sẽn kɩt tɩ d yam ka d menga.
Sẽn yɩɩd fãa, Biiblã wilgdame tɩ Wẽnnaam a Zeovaa sẽn yaa d Naandã wʋmda d tagsa wã la d yel-manesmã võore, n yɩɩd ned buud fãa. A rata ne a sũur fãa n sõng-d tɩ d tõog n mao ne zu-loɛɛg ning fãa d sẽn tare. Wala makre, ad Biiblã vɛrse a yiib sẽn kengd raoodo:
“A Zeova pẽe sũ-sãams rãmbã. A fãagda neb nins raood sẽn komsã.”—YƖƖN-SÕAMYÃ 34:18.
“Maam a Zeova sẽn yaa fo Wẽnnaamã gãta fo nug-rɩtgo, la m yet foom yaa: ‘Da zoe rabeem ye. Mam na n sõnga foom.’”—EZAYI 41:13.
Wãn to la a Zeova sõngd neb nins sẽn bẽed bãag sẽn kɩt tɩ b sũy pa noom ne b mensã, tɩ b maood ne b zu-loɛɛgã? Wa d sẽn na n yã sõss nins sẽn pʋgdã pʋgẽ wã, a Zeova tũnugda ne bũmb toor-toor n sõngd tõndo, tɩ wilgdẽ t’a geta d yelle.
a Zeova wã yaa Wẽnnaam yʋ-peellã.—Yɩɩn-sõamyã 83:18.