Sagls zãmsgã wɛɛngẽ

Bao-y n bãng-y bũmb a taab a Zeova zʋg-sõma wã wɛɛngẽ

D sã n wa karemd Biiblã, d tõe n maana vaeesg n wʋm bũmb ning d sẽn karemdã võor n paase. La d pa zãmsd Biiblã sẽn na yɩl n paas d bãngr bal ye. D rat n bãnga a Zeova sẽn yaa Wẽnnaam ning buudã n paase, tɩ kɩt tɩ d maneg n nong-a. Dẽnd d tõe n soka d meng yaa: ‘Bõe la Biiblã gom-kãensã wilgd maam a Zeova zugu?’

Wala makre, d tõe n bao n bãnga a Zeova sẽn wilg to-to t’a yaa nonglem, yam soaba, tɩrlem la pãn-kãseng soaba. La a Zeova tara zʋg-sõma a taab y sẽn tõe n bao n bãng n paase. Yɛ la y tõe n paam sõss sẽn gomd a zʋg-sõma wã yelle?

Kẽ-y Index des publications des Témoins de Jéhovah wã pʋgẽ, n ges gom-zug ning sẽn yaa “Jéhovah” wã zĩigẽ, gom-zu-bil ning sẽn yaa “Qualités par nom” wã tẽngre, tɩ y na n yãa b sẽn sõdg zʋg-sõma 50 la zaka. Gẽes-y zʋg-sõma nins sẽn zems ne kibar ning y sẽn karemd Biiblã pʋgẽ wã. (Sã n yaa Vaeesg sebre, a Zeova Kaset rãmbã yĩnga bal la y tara, bɩ y ges gom-zug ning sẽn yaa “Wẽnnaam a Zeova” wã zĩigẽ, gom-zu-bil ning sẽn yaa “a Zeova sẽn yaa Wẽnnaam ning buudã” tẽngre.)