Bao-y n bãng-y yam ning y sẽn tõe n dɩke

D sã n wa karemd Biiblã, d tõe n maana vaeesg n bao n bãng yam ning d sẽn tõe n dɩke. La bõe la d tõe n maan tɩ maneg n naf-d sõma?

Maag-y y yĩng n vaees Biiblã kibayã n bãng baa yel-bõonesã. Wala makre, bao-y n bãng-y ned ning sẽn gʋls kibarã, neb nins yĩng a sẽn gʋlsã, la sẽn yɩ wakat ningã. Yɛlã ra yaa wãn to? Bõe n maan sẽn deng rẽ? La bõe n maan rẽ tɛka?

Bao-y n bãng-y yam ning y sẽn tõe n dɩke. Y tõe n soka y meng yaa: ‘Neb nins yell b sẽn gomd kibarã pʋgẽ wã tagsg ra yaa wãna? Zʋg-bʋs la b ra tara? Bõe yĩng tɩ m segd n dɩk b togs-n-taare, wall m modg n da rɩk b togs-n-taare?’

Tũ-y bũmb ning y sẽn bãngã. Tõe n yɩɩ koɛɛgã mooneg sasa, wall d manesem sẽn yaa to-to ne d taabã pʋgẽ. Y sã n maand woto, y wilgdame tɩ y tara yam ning sẽn yit Wẽnnaam nengẽ wã, bala Biiblã yeelame: “Neb nins fãa sẽn tũud a noyã wilgdame tɩ b tara yam wʋsgo.”—Yɩɩn. 111:10.

• Saglga: Gũus-y n ges-y Kiris-nebã vɩɩm la b tʋʋma tigsgã babg ning sẽn yaa D sẽn bãng Biiblã kareng pʋgẽ wã sẽn tõe n sõng-y tɩ y bãng y sẽn tõe n tũ y sẽn bãngã to-to. Bab-kãng pʋgẽ b wae n ningda sogsg d sẽn tõe n sok d mense, bũmb toor-toor d sẽn tõe n bʋgs b zugu, la fot-rãmb sẽn tõe n sõng-d tɩ d wʋm d sẽn karmã võore.