Taasd-y neb a taab bũmb nins y sẽn bãngdã

Biiblã zãmsg kengda d raoodo. La d sã n taasd neb a taab bũmb nins d sẽn bãngdã, kengda d raood n yɩɩda. Yel-bũn 11:25 yetame: “Ned ning fãa sẽn kõt a taab koom me na n paamame tɩ b kõ-a koom.”

D sã n bãng bũmb n dɩk n taas neda, sõngdame tɩ d tẽegd rẽ yell nana-nana, la kɩt tɩ d maneg n wʋm a võor sõma n paase. Sẽn paase, sẽn mik tɩ rẽ na n nafa a soabã, d sũur yaa noogo.—Tʋʋ. 20:35.

Ad bũmb y sẽn tõe n maane: Semen ning sẽn watã bɩ y bao segb n gom bũmb y sẽn bãng yell ne ned a to. Tõe n yɩɩ y zakã neda, y tigingã neda, y tʋmd-n-taaga, y karen-bi-taaga, y yak wall ned y sẽn seg koɛɛgã mooneg sasa. Mak-y n togs-y-yã a soabã bũmb ning y sẽn bãngã nana-nana tɩ yɩ vẽenega.

Tẽeg-y-yã: Y segd n togsa neb a taabã bũmb nins y sẽn bãngdã sẽn na yɩl n keng b raoodo, pa sẽn na n bao yʋʋr ye.—1 Kor. 8:1.