Sagls vaeesgã wɛɛngẽ

Kambã sẽn tõe n maane

Roagdbã tara tʋʋm-kãseng sẽn yaa zãms b kambã tɩ b bãng a Zeova. (Efɛɛ. 6:4) Sẽn na yɩl n sõng roagdbã, a Zeova siglgã yiisa bũmb toor-toor kambã yĩnga. Wãn to la y tõe n tũnug ne bõn-kãens n zãms y kambã?

• Bao-y n bãng-y bõn-kãense. JW.ORG pʋgẽ, b ninga bũmb nins fãa b sẽn yiis kambã yĩngã. Wala makre video-rãmb la bũmb toor-toor b sẽn tõe n gʋle.a Y sã n dat n yã bõn-kãense, bɩ y gʋls “Kambã” wall “Kom-bɩɩsã,” zĩig ning b sẽn gʋlsd n maand vaeesgã.

• Yãk-y bũmb nins sẽn zems ne y biigã. Bũmb nins b sẽn ning zĩig ning b sẽn gʋls tɩ “Kambã” tõe n sõng-y lame tɩ y bãng n yãk sẽn zems ne y biigã. Sẽn na yɩl n paam bõn-kãense, bɩ y gẽes “Zak pʋgẽ Biibl zãmsgã yĩnga.”

• Sõsd-y ne y biigã bõn-kãens zugu. Ra rɩk-y d video-rãmbã wall bũmb a taabã n kõ y biigã y sẽn pa rat t’a sãam a sẽkã yĩng bal ye. Sõsd-y ne-a bõn-kãens zugu, n sõng-a t’a paam zood sõma ne a Zeova.