Rɩ-y fot-rãmbã yõod tɩ pidi

Tõnd sɛbã pida ne fot-rãmb sẽn wilgd tõnd bũmb toor-toor sẽn tar yõodo. Bõe la y tõe n maan n dɩ fot-rãmbã yõod tɩ pidi?

• Nand tɩ y karem sõsg bɩ y reng n ges fot-rãmbã. Fot-rãmbã tõe n kɩtame tɩ y yãgd n na n karem sõsgã n bãng a sẽn gomd bũmb ning yelle. Y sã n yã rɩ-noog sẽn be laag pʋgẽ, a yamleoog tõe n yõk-y lame. Woto me, y sã n deng n ges sõsg fot-rãmba, tõe n kɩtame tɩ y rat n karm-a. Woto wã, nand tɩ y karem sõsg bɩ y sok y meng yaa: ‘Yaa bõe fot-rãmb n be a pʋgẽ?’—Amos 7:7, 8.

• Y sã n wa karemd sõsgã bɩ y bao n bãng b sẽn ning fot-rãmbã võore. Karm-y gʋlsem nins sẽn be fot-rãmbã tẽngrã, tɩ fot-rãmbã bilgr sã n beẽ me bɩ y karm-ba. Bao-y n bãng-y fot-rãmbã ne bũmb nins yell b sẽn gomd sõsgã pʋgẽ wã sẽn lokd taab to-to, la y sẽn tõe n tũ rẽ to-to.

• Y sã n karem sõsgã n sa bɩ y lebg n ges fot-rãmbã, n lebg n tẽeg bũmb nins y sẽn bãngã. Rẽ poor bɩ y mum y ninã n tags fot-rãmbã yelle, la bũmb ning fot fãa sẽn sõng-y tɩ y bãngã yelle.

• Lebg-y n ges-y fot-rãmb nins sẽn be seb-kãngã pʋgẽ wã, n ges y sã n tẽra b sẽn sõng-y tɩ y bãng bũmb ninsã.