M maanda wãn n bas pornografi wã gesgo?
F sẽn tõe n maane
Bao n bãng pornografi wã sẽn sɩd yaa a soaba. Pornografi wã sãamda bũmb Wẽnnaam sẽn naan tɩ yaa sõma. Fo sã n bãng rẽ, na n sõnga foo tɩ f ‘kisg wẽnga.’—Yɩɩn-sõamyã 97:10.
Tags a sẽn wat ne yɛl ninsã. Pornografi wã kɩtdame tɩ neb nins sẽn maand-a wã, la neb nins sẽn get-a wã pa le tar bark ye. Rẽ n so tɩ Biiblã yeel yaa: “Gũus-m-meng soab yãta yell n zoe n soonde.”—Yel-bũnã 22:3.
Yãk yam n maan bũmbu. Wẽn-sakd a Zoob yeelame: “Mam . . . maana kaool ne m ninã, tɩ m kõn ges pa-kul ne ratem wẽng ye.” (Zoob 31:1) Ad bũmb kẽer f sẽn tõe n yãk yam n maane:
M sã n wa yaa m ye, n pa na n pak ẽntɛrnetã ye.
M sã n pak ẽntɛrnetã tɩ imaaz-yood wa puki, m na n paga zĩig pʋgẽ.
M na n togsa kãsma bɩ m zoa sẽn tõe n sagl-m sõma.
F tõe n lebga pornografi wã yamba. F sã n nong n getẽ, lebgda toog tɩ f tõog n base
Pʋʋse. Yɩɩn-gʋlsdã pʋʋsa a Zeova ne a sũur fãa n yeel yaa: “Bɩ y kɩt tɩ m wẽnemd n da ges bũmb nins sẽn ka tar yõodã ye.” (Yɩɩn-sõamyã 119:37) Wẽnnaam datame tɩ f tõoge. Fo sã n pʋʋs n kos-a sõngre, a na n kõ-f-la pãng tɩ f tõog n maan sẽn yaa sõma.—Filip-rãmbã 4:13.
Gom ne neda. Bao ned f sẽn kɩs sɩd ne, n togs-a. Rẽ na n sõng-f lame tɩ f tõog n bas minim-wẽng kãnga.—Yel-bũnã 17:17.
Ra yĩm ye. F yam sã n wa be pornografi wã gesgo, tɩ f tõog f meng n pa gese, yaa sõma wʋsgo. Pʋʋs Wẽnnaam a Zeova n togs-a, la f pʋʋs-a bark a sẽn kõ-f pãng tɩ f tõogã. F sã n tõog f meng n pa ges pornografi, noogda a Zeova sũuri.—Yel-bũnã 27:11.