Ad bʋʋm a wãn n wilgd tɩ rẽ zemsame:

• Tõnd sẽn tigimd taab zĩig ningã yaa roogo, bɩ tigsg zĩiga.

• Tõnd tigimda taab n waoogd a Zeova, sẽn yaa Wẽnnaam ning sẽn so Biiblã, la d kõt kaset a yʋʋrã yĩnga.—Yɩɩn-sõamyã 83:19; Ezayi 43:12.

• Tõnd leb n tigimda taaba n zãmsd bũmb wʋsg Wẽnnaam Rĩungã a Zeezi sẽn gom a yellã zugu.—Matye 6:9, 10; 24:14; Luk 4:43.

D kot-y lame tɩ y tɩ kaag Rĩung roog sẽn pẽ yãmba, n bãng a Zeova Kaset rãmbã sẽn maand b tigissã to-to.