Watchtower SƐB VAEESG ZĨIGA
Watchtower
SƐB VAEESG ZĨIGA
Moore
  • BIIBLE
  • SƐBA
  • TIGISSÃ
Moorã Sɛba (1991-2025)
Pag-y
Pak-y
Watchtower SƐB VAEESG ZĨIGA
Watchtower
SƐB VAEESG ZĨIGA
Ne y waoongo.
Ka yaa zĩig y sẽn tõe n maan vaeesgo, n paam sɛb la bũmb a taab a Zeova Kaset rãmbã sẽn yiis ne buud-goam toor-toore.
Y sã n dat n telesarz bũmb bɩ y kẽ jw.org.
Koeese
Buud-goam a taab la b paas-yã: Betsimisaraka (Northern), Betsimisaraka (Southern), Konkomba, Matses, Mi'kmaq
  • Rũndã

Arba, zĩ-likri, 15

Mam yaa Alfa la Omega.—Vẽn. 1:8.

Alfa wã yaa Gɛrkã gʋls-biisã pipi soabã, tɩ Omega wã yaa yaoolem soabã. A Zeova sẽn yeel t’a “yaa Alfa la Omega” wã, wilgdame t’a sã n sɩng bũmbu, a tõogd n maan-a lame n baase. A Zeova sẽn naan a Ãdem ne a Awa wã poore, a yeel-b lame yaa: “Bɩ y rog kamb n lebg wʋsgo, n pid tẽngã la y soog-a.” (Sɩng. 1:28) Wakat kãnga, yaa wa a Zeova sẽn yeel tɩ “Alfa.” A wilga a raabã vẽenega. Wakat n wat t’a Ãdem ne a Awa yagens sẽn zems zãng la sẽn yaa sakdb na n pid tẽngã n kɩt t’a lebg arzãna. Wakat kãng sã n wa ta, na n yɩɩ wa a Zeova sẽn yeel tɩ “Omega.” A Zeova sẽn naan “saasã ne tẽngã la bũmb nins fãa sẽn be b pʋsẽ wã n sa” wã, a wilga bũmb sẽn kɩt tɩ d tõe n bas d yam ne a pʋlemsã. A wilgame tɩ d tõe n basa d yam t’a na n pidsa a raabã ne ninsaalbã la tẽngã. Rẽ na n pidsa zãng rasem a yopoe-n-soabã baasgẽ.—Sɩng. 2:1-3. w23.11 5 s. 13-14

2025: D vaees Gʋls-sõamyã daar fãa

Lamusa, zĩ-likri, 16

Kõog-y-yã a Zeova sorã! Tuk-y so-kõodr sẽn yaa tɩrg we-rasempʋɩɩgẽ wã tõnd Wẽnnaamã yĩnga.—Eza. 40:3.

Yɩl n yi Babilon n kẽng Israyɛll ra tõe n taa kiuug a naas kẽnde, tɩ sorã me ra pa sõma ye. La a Zeova pʋlmame t’a na n menesa bũmb ning fãa sẽn da tõe n kɩt tɩ kẽndã yɩ toogã. Zʋɩf-rãmb nins sẽn da maand sɩd ne a Zeova wã ra miime, tɩ b sẽn na n leb Israyɛllã yõod yɩɩda bũmb nins fãa b sẽn na n bõna. Bark-kãseng n tɩ yɩɩdã, yaa b sẽn na n le sɩng a Zeova tũubã. A Zeova roog baa a ye ra pa be Babilon ye. Tẽn-kugr da pa be Israyɛll nebã sẽn da tõe n maand maand wa a Moyiiz Tõogã sẽn da wilgã, la b ra pa tar maan-kʋʋdb me sẽn sigl sõma n tõe n maan maand ye. Sẽn paase, neb nins sẽn da waoogd zirẽ-be-wẽnnaam-dãmbã sõor da yɩɩda neb nins sẽn da waoogd a Zeova wã. Zʋɩf-rãmb tusa sẽn da nong a Zeova ra gũuda ne b sũur fãa, n na n leb b ba-yirã n tɩ lebs n lugl tũudum hakɩɩkã. w23.05 14-15 s. a 3-4

2025: D vaees Gʋls-sõamyã daar fãa

Arzũma, zĩ-likri, 17

Kell-y n kẽn-y wa vẽenem kamba.—Efɛɛ. 5:8.

Sẽn na yɩl n tõog n kell n kẽn wa “vẽenem kamba,” d rata Wẽnnaam vʋʋsem sõngã sõngre. Bõe yĩnga? Bala yɩl n kell n yɩ yɩlemd dũni-kãngã sẽn pid ne tʋʋm-dẽgdã pʋgẽ yaa toogo. (1 Tes. 4:3-5, 7, 8) Vʋʋsem sõngã tõe n sõng-d lame tɩ d ra wa tagsd wa dũni-kãngã nebã sẽn tar tagsa sẽn pa zems ne Wẽnnaam daabã ye. Vʋʋsem sõngã tõe n sõng-d lame me tɩ d bɩɩs “sõmblem buud fãa la tɩrlem.” (Efɛɛ. 5:9) Bũmb d sẽn tõe n maan n paam vʋʋsem sõngã yaa d sẽn na n pʋʋs a Zeova n kose. A Zeezi yeelame t’a Zeova na n “kõo vʋʋsem sõngã neb nins sẽn kot rẽ wã.” (Luk 11:13) D sã n wa naag d tẽed-n-taasã n pẽgd a Zeova tigissã sasa me, d paamda vʋʋsem sõngã. (Efɛɛ. 5:19, 20) D sã n paam tɩ Wẽnnaam kõ tõnd a vʋʋsem sõngã, na n sõng-d lame tɩ d maand bũmb nins sẽn noom-a wã. w24.03 23-24 s. 13-15

2025: D vaees Gʋls-sõamyã daar fãa
Ne y waoongo.
Ka yaa zĩig y sẽn tõe n maan vaeesgo, n paam sɛb la bũmb a taab a Zeova Kaset rãmbã sẽn yiis ne buud-goam toor-toore.
Y sã n dat n telesarz bũmb bɩ y kẽ jw.org.
  • Moore
  • Toole
  • Y sẽn date
  • Copyright © 2025 Watch Tower Bible and Tract Society of Pennsylvania
  • Y sẽn segd n sake
  • Noy d sẽn tũudi
  • Paramètres de confidentialité
  • JW.ORG
  • Pak-y
Toole