Wa-y-yã a Zeova tãngã zugu

1. Zẽk-y yãmb nens n ges

a Zeova tãngã sõma.

Tãn-kãng yɩɩda tãensã fãa

sẽn be dũn’yã zugã.

Nebã yita zĩig fãa,

dũn’yã ween-vɩɩs a naasã,

n boond taab n yetẽ tɩ:

‘Wa-y-yã, tɩ d tũ Wẽnnaam.’

Yaa masã la neb sõor sẽn paood

na n lebeg bu-kãsenga,

tɩ d sõorã paas wʋsgo,

bala tõnd paamda Wẽnnaam barka.

Neb buud fãa watame,

n tũud sẽn ka-a to soabã

la b yet tɩ b na n saka yẽnda

wakat fãa yĩnga.

2. Krisã kõo tõnd noore,

tɩ d fãa kẽng n moon koɛɛgã.

Bɩ d moon Rĩungã koe-noogã,

tɩ ned buud fãa wʋme.

Kris rɩta naam masã,

n yet tɩ d zĩnd yẽ poorẽ.

Bɩ sẽn nong-a Wẽnnaam

sak a Gomdã sẽn yetã.

Tõnd sũyã yaa noogo,

Ad kʋʋn-kãsengã sɩd fɩɩgdame!

Tõnd tʋmda ne d sũy fãa,

n na n sõng nebã tɩ b bãng Wẽnnaam.

Bɩ d fãa zẽk d koeese,

n bool nebã fãa tɩ b wa

tɩ d rʋ a Zeova tãngã,

la d pa be wakat fãa.